రంగారెడ్డి జిల్లా బీఆర్‌ఎస్ అధ్యక్షుడు మంచిరెడ్డి కిషన్‌రెడ్డి

ఇబ్రహీంపట్నం, జనవరి 30 (విజయ క్రాంతి): కాంగ్రెస్ ప్రభుత్వం అధికారంలోకి వచ్చి 420 రోజులు గడుస్తున్నా ఇచ్చిన 420 హామిలేవని రంగారెడ్డి జిల్లా బిఆర్‌ఎస్ అధ్యక్షుడు మంచిరెడ్డి కిషన్ రెడ్డి అన్నారు. బిఆర్‌ఎస్ పార్టీ కార్యనిర్వాహక అధ్యక్షుడు కెటిఆర్ పిలుపు మేరకు గురువారం మంచిరెడ్డి కిషన్ రెడ్డి ఆధ్వర్యంలో పార్టీ శ్రేణులతో ర్యాలీగా వెళ్లి గాంధీ విగ్రహానికి వినతి పత్రం సమర్పించారు.

మహాత్మా గాంధీ వర్ధంతి పురస్కరించుకుని ఇబ్రహీంపట్నం నియోజకవర్గ కేంద్రంలోని శేరిగూడలో గాంధీ  విగ్రహానికి పూలమాలలు వేసి నివాళులర్పిం చారు. కాంగ్రెస్ ప్రభుత్వానికి, ముఖ్యమంత్రి రేవంత్ రెడ్డికి 420 హామీలను నెరవేర్చేలా బుద్ధి రావాలని గాంధీకి వినతి పత్రాలు అందజేయడం జరిగిందన్నారు.

ఈ కార్యక్రమంలో బిఆర్‌ఎస్ రాష్ట్ర నాయకుడు మంచిరెడ్డి ప్రశాంత్ రెడ్డి (బంటీ), మాజీ ప్రజాప్రతినిధులు, పార్టీ నాయకులు, కార్యకర్తలు, శ్రేణులు, బంటి యూత్ ఫోర్స్ సభ్యులు, యువజన, విద్యార్థి విభాగం నాయకులు తదితరులు పాల్గోన్నారు.