సిద్దిపేట (విజయక్రాంతి): పోలీస్ అమరవీరుల సంస్మరణ దినోత్సవం (ఫ్లాగ్ డే)ను పురస్కరించుకొని సిద్దిపేట పోలీస్ కమిషనరేట్ పరిధిలో ఔత్సహిక ఫోటోగ్రాఫర్లకు ఫోటోగ్రఫీ, వీడియో గ్రాఫర్లకు షార్ట్ ఫిల్మ్ కు సంబంధించి తెలంగాణ రాష్ట్ర పోలీస్ శాఖ ఆధ్వర్యంలో రాష్ట్ర స్థాయిలో పోటీలను నిర్వహిస్తున్నట్లు సిద్దిపేట పోలీస్ కమిషనర్ డాక్టర్ అనురాధ తెలిపారు. పోలీస్ అమరవీరుల ప్రాణత్యాగాలను స్మరిస్తూ ఈనెల 21న వారోత్సవాలు నిర్వహించడం జరుగుతుందన్నారు. ఇందులో భాగంగా పోలీసుల త్యాగాలు, విధుల్లో ప్రతిభను తెలిపే విధంగా ఇటీవల కాలంలో తీసిన (3) ఫోటోలు, తక్కువ నిడివి (3 నిమిషాలు) గల షార్ట్ ఫిలిమ్స్ తీసి రాష్ట్రస్థాయి పోటీలకు  ఈనెల 20వ తేదీలోపు సిద్దిపేట పోలీస్ కమిషనరేట్ కార్యాలయంలో సమర్పించాలన్నారు. మూఢనమ్మకాలు, సామాజిక రుగ్మతలు, అత్యవసర సమయాల్లో పోలీసుల స్పందన, ప్రకృతి వైపరిత్యాల్లో పోలీసుల సేవలు, పోలీసుల కీర్తి ప్రతిష్టలు, సైబర్ నేరాలు, ర్యాగింగ్, మత్తు, మద్యం సేవించడం వల్ల కలిగే అనర్థాలు. అంశాలకు సంబంధించి గత సంవత్సరం 2023 అక్టోబర్ నుండి ప్రస్తుత సంవత్సరం అక్టోబర్ నెల ఇప్పటివరకు తీసిన మూడు ఫోటోలు, షార్ట్ ఫిల్మ్ మాత్రమే పంపించాల్సి వుంటుంది. ఈ నెల 20 లోపు పోలీస్ కమిషనర్ కార్యాలయంలో పీఆర్ఓ సెక్షన్ లో ఇవ్వాలని కోరారు. మరిన్ని వివరాల కోసం పీఆర్ఓ మల్లికార్జున్ 9440379237 నెంబర్ లో సంప్రదించాలన్నారు.