నందమూరి బాలకృష్ణ సినీ రంగ ప్రవేశం చేసి 50 వసంతాలు పూర్తి చేసుకుంటున్న సందర్భంగా సెప్టెంబర్ 1న ప్రత్యేక వేడుక నిర్వహించనున్నారు. బాలకృష్ణ సినీ స్వర్ణోత్సవం పేరుతో తెలుగు సినీ పరిశ్రమ ప్రముఖులు నిర్వహించనున్న ఈ కార్యక్రమానికి హైదరాబాద్ హైటెక్స్ నోవాటెల్ హోటల్ వేదిక కానుంది. ఈ కార్యక్రమంలో పాల్గొనాలని కోరుతూ మెగాస్టార్ చిరంజీవిని నిర్వాహకులు ఆహ్వానించారు. చిరంజీవిని కలిసిన వారిలో తెలంగాణ స్టేట్ ఫిలిం ఛాంబర్ ఆఫ్ కామర్స్, తెలుగు ఫిలిం ఛాంబర్ ఆఫ్ కామర్స్, తెలుగు ఫిలిం ప్రొడ్యూసర్స్ కౌన్సిల్, మూవీ ఆర్టిస్ట్ అసోసియేషన్, ఫెడరేషన్ల బాధ్యులు ఉన్నారు.