1. గ్రామీణ ప్రాంత యువతకు సాఫ్ట్‌స్కిల్‌లో శిక్షణ ఇవ్వండి: మంత్రి దుద్దిళ్ల శ్రీధర్‌బాబు 
2. యంగ్‌ఇండియా స్కిల్స్ యూనివర్సిటీ సందర్శన

హైదరాబాద్, ఏప్రిల్ 7 (విజయక్రాంతి): మార్కెట్‌లో డిమాండ్ ఉన్న కోర్సులను ప్రవేశపెట్టాలని ఐటీ, పరిశ్రమల శాఖామంత్రి దుద్దిళ్ల శ్రీధర్‌బాబు యంగ్ ఇండియా స్కిల్స్ యూనిర్సిటీ అధికారులను సూచించారు. తెలంగాణ యువతలో నైపుణ్యానికి కొదువలేదని, పరిశ్రమల అవసరాలకు అను గుణంగా రాష్ట్ర యువతను అన్ని రంగాల్లో అత్యుత్తమ నైపుణ్య మానవ వనరులుగా తీర్చిదిద్దుతామని మంత్రిశ్రీధర్‌బాబు పేర్కొన్నారు.

సోమవారం గచ్చిబౌలిలోని ఇంజినీరింగ్ స్టాఫ్ ఆఫ్ కాలేజ్ ఆఫ్ ఇండియా (ఈఎస్‌ఐసీ)లో ఏర్పా టు చేసిన యంగ్ ఇండియా స్కిల్స్ యూనివర్సిటీ ప్రాంగణాన్ని ఆయన పరిశీలించారు. అనంతరం వర్సిటీ అధికారులతో సమీ క్షా సమావేశం నిర్వహించారు. ఈ సందర్భంగా శ్రీధర్‌బాబు మాట్లాడు తూ అత్యుత్తమ నైపు ణ్య మానవ వనరులకు చిరునామాగా తెలంగాణను మార్చాలనే సంకల్పంతోనే యంగ్ ఇం డియా స్కి ల్ యూనివర్సిటీని ఏర్పాటు చేశామన్నారు.

మార్కెట్ అవసరాలకు అనుగుణంగా స్కిల్ డెవలప్‌మెంట్‌లో శిక్షణ ఇస్తే మరింత మెరుగ్గా తయారవుతారన్నారు. పరిశ్రమలతో నిరంతరం సంప్రదింపులు జరుపుతూ కోర్సుల రూపకల్పనలో పరిశ్రమలను భాగస్వామ్యం చేయాలని సూచించారు. గ్రామీణ ప్రాంతాలనుంచి వచ్చే అభ్యర్థులకు సాఫ్ట్ స్కిల్స్‌లో ప్రత్యేక శిక్షణ ఇవ్వాలని సూచించారు.

కోర్సు పూర్తయ్యేనాటికి అభ్యర్థులను పరిశ్రమల కు అనుగుణంగా తీర్చిదిద్దాలన్నారు. రాష్ట్రంలోని ప్రముఖ విద్య, పరిశోధన, టాస్క్, డిజిటల్ ఎంప్లాయీమెంట్ ఎక్సేంజ్ ఆఫ్ తెలంగాణ (డీఈఈటీ) తదితర సంస్థలతో సమన్వయం చేసుకోవాలని మంత్రి ఆదేశించారు. సమావేశంలో స్పెషల్ సీఎస్ జయేశ్‌రంజన్, డిప్యూటీ సెక్రటరీ భవేశ్ మిశ్రా, స్కిల్ యూనివర్సిటీ వీసీ సుబ్బారావు, ఏఎస్డీ చమాన్ మెహతా పాల్గొన్నారు.