మేడ్చల్, ఘట్కేసర్, జనవరి 29 (విజయ క్రాంతి) : రాచకొండ పోలీస్ కమిషనరేట్ పరిధిలో అంతర రాష్ట్ర దొంగల ముఠాను పట్టుకున్నారు. పోలీస్ కమిషనర్ సుధీర్ బాబు కమిషనరేట్‌లో ఏర్పాటుచేసిన విలేకరుల సమావేశం లో ఈ ముఠా వివరాలను వెల్లడించారు. గుండ్ల పోచంపల్లి మున్సిపాలిటీ పరిధిలోని సరస్వతి నగర్ కాలనీలో నివాస ముంటున్న గుజరాత్‌కు చెందిన గుజరాతి కిషన్, ఢిల్లీకి చెందిన రామ్ లాల్, శ్యాంలాల్, కోలి, గుల్షన్, దీపక్ తో పాటు ఒక మైనర్ బాలుడు ముఠాగా ఏర్పడ్డారు.

వివిధ పోలీస్ స్టేషన్లో పరిధిలో వివిధ రకాలుగా దొంగతనాలు, మోసాలకు పాల్పడ్డారు. ఈనెల 21న భువనగిరి బస్ స్టేషన్ వద్ద ఒక మహిళ దృష్టి మళ్లించి బంగారు గొలుసు ఎత్తుకెళ్లా రు. కేసు నమోదు చేసుకుని దర్యాప్తు చేస్తుండగా ఈ ముఠా మోసాలు, దొంగతనాలు బయట పడ్డాయి. వీరిపై భువనగిరి, హుస్సేనీ ఆలం, దుండిగల్, జీడిమెట్ల, అఫ్జల్ గంజు, పోలీస్ స్టేషన్లో కేసులు నమోదయ్యాయి. వీరి వద్ద రూ.17 లక్షల విలువచేసే 232 గ్రాముల బంగారం స్వాధీనం చేసుకున్నారు.