మియాపూర్.. చైతన్య కాలేజీలో ఘటన

శేరిలింగంపల్లి, నవంబర్ 23 (విజయక్రాంతి): మియాపూర్ పీఎస్ పరిధిలోని కల్వరి టెంపుల్ వద్ద ఉన్న శ్రీ చైతన్య బాయ్స్ జూనియర్ కాలేజీలో ఎంపీసీ ఫస్టియర్ చదువుతున్న కౌశిక్ రాఘవ (17) శుక్రవారం రాత్రి హాస్టల్ గదిలో ఉరేసుకున్నాడు. గమనించిన తోటి విద్యార్థులు యజమాన్యానికి సమాచారం అందించారు. అప్పటికే కౌశిక్ రాఘవ మృతిచెందగా యాజమాన్యం విషయాన్ని విద్యార్థి తల్లిదండ్రులకు చేరవేశారు. కౌశిక్ తల్లిదండ్రులకు తమ కుమారుడి మృతిపట్ల అనుమానాలు వ్యక్తం చేస్తున్నారు. సమాచారమందుకున్న మియాపూర్ పోలీసులు ఘటనా స్థలానికి చేరుకొని వివరాలు సేకరించారు. మృతదేహాన్ని పోస్టుమార్టం నిమిత్తం నగరంలోని గాంధీ హాస్పిటల్‌కు తరలించారు. కేసు నమోదు చేసుకొని దర్యాప్తు చేస్తున్నారు.