సౌదీ అరేబియా,(విజయక్రాంతి): సౌదీ అరేబియాలోని జిజినా సమీపంలో బుధవారం ఘోర రోడ్డు ప్రమాదం జరిగింది. ఈ ప్రమాదంలో తొమ్మిది మంది భారతీయులు మృతి చెందగా, మరి కొంతమంది గాయపడ్డినట్లు జెడ్డాలోని భారతీయ రాయబార కార్యాలయం ప్రకటించింది. మృతుల కుటుంబాలతో పాటు భారత్ లోని అధికారలతో సంప్రదిస్తున్నామని విదేశింగశాఖ మంత్రి జైశంకర్ ఎక్స్ లో తెలిపారు. ఈ దర్ఘటనలో భారత పౌరుల మరణవార్త తనను తీవ్రంగా కలచివేసిందన్నారు. జెడ్డాలోని భాతర కాన్సులేట్ జనరల్ తో మాట్లాడి ఎప్పటికప్పుడు పరిస్థితిని తెలుసుకుంటున్నట్లు ఆయన పేర్కొన్నారు. ఈ ఘటనలో గాయపడినవారు త్వరగా కోలుకోవాలని కోరుకుంటున్నామని, మరిన్ని వివరాల కోసం ప్రత్యేక హెల్స్ లైన్ నంబర్లు 8002440003, 0122614093, 0126614276, 0556122301(వాట్సప్) ఏర్పాటు చేశామని పేర్కొంది.