న్యూయార్క్ : టీ 20 వరల్డ్ కప్ 2024 గ్రూప్ ఏలో ఆదివారం హై ఓల్టేజ్ మ్యాచ్ జరగనుంది. చిరకాల ప్రత్యర్థి పాకిస్థాన్ తో టీమిండియా తలపడనుంది. న్యూయార్క్ వేదికగా రాత్రి 8గంటలకు మ్యాచ్ ప్రారంభం కానుంది. ఈ వరల్డ్ కప్ లో ఐర్లాండ్ పై గెలిచిన భారత్ మంచి  ఫామ్ లో ఉంది. టీ20 వరల్డ్ కప్ లో ఇప్పటివరకు భారత్, పాకిస్థాన్ ఏడు సార్లు తలపడగా, ఆరు సార్లు భారత్, ఒకసారి పాకిస్థాన్ గెలుపొందాయి. ఇప్పటిటకే అమెరికా చేతిలో పాకిస్థాన్‌కు ఘోర పరాజయం ఎదురైంది. డల్లాస్‌లోని గ్రాండ్ ప్రైరీ స్టేడియంలో సూపర్ ఓవర్‌లో యుఎస్ఎతో జరిగిన మ్యాచ్‌లో బాబర్ ఆజం అండ్ కో పేలవమైన ప్రదర్శనను కనబరిచారు.