స్టాండప్ కమెడియన్ ఉత్సవ్ అరెస్ట్ 

హైదరాబాద్ సిటీబ్యూరో, నవంబర్ 3 (విజయక్రాంతి) : అతివేగంగా కారు నడిపి కేబీఆర్ పార్కు ప్రహరీని ఢీకొట్టిన  ఘటనలో స్టాండప్ కమెడియన్, వ్యాపారి ఉత్సవ్ దీక్షిత్(33)ను బంజారాహిల్స్ పోలీసులు అరెస్టు చేశారు. వివరాలు.. బంజారాహిల్స్ ప్రాంతానికి చెందిన వ్యాపారి, స్టాండప్ కమెడియన్ ఉత్సవ్ దీక్షిత్ ఈనెల 1న కారును అతివేగంగా నడపడంతో అదుపుతప్పి కేబీఆర్ పార్కు ప్రహరీ, గ్రిల్, ఫుట్‌పాత్‌లను ఢీకొట్టాడు.

అక్కడే కారును వదిలేసి పారిపోయాడు. విచారణ చేపట్టిన బంజారాహిల్స్ పోలీసులు కారులో దొరికిన విరిగిపోయిన నంబర్ ప్లేట్ ఆధారంగా కారు నడిపిన ఉత్సవ్ దీక్షిత్‌ను అదుపులోకి తీసుకుని డ్రగ్స్, డ్రంక్ అండ్ డ్రైవ్ టెస్టులు నిర్వహించారు. అతడి డ్రైవింగ్ లైసెన్స్ రద్దు చేయాలని ఆర్‌టీవో అధికారులకు సిఫార్సు చేశారు.