కన్నడ అగ్ర కథానాయకుడు శివరాజ్ కుమార్ హీరోగా కన్నడ, తెలుగు భాషల్లో ఓ చిత్రం రూపొందనుంది.  ‘పాయుమ్ ఒలి నీ ఎనక్కు’ చిత్రంతో దర్శకుడిగా పరిచయమైన కార్తీక్ అద్వైత్ ఈ సినిమాకి దర్శకుడు. కాగా పద్మజ ఫిలింస్ సమర్పణలో భువనేశ్వరి పిక్చర్స్ బ్యానర్‌పై ఎస్‌ఎన్ రెడ్డి, సుధీర్ పి నిర్మిస్తున్నారు. శివరాజ్ కుమార్ సతీమణి గీతా శివ రాజ్‌కుమార్ పుట్టినరోజు సందర్భంగా ఇటీవల ఈ ప్రకటన చేశాయి చిత్ర వర్గాలు. తనకి దర్శకుడిగా రెండవ చిత్రమైన ఈ చిత్రంలో హీరో శివరాజ్‌కుమార్‌ని కొత్తగా చూపించనున్నట్టు దర్శకుడు తెలిపారు. ఆగస్టులో సెట్స్‌పైకి వెళ్ళనున్న ఈ సినిమాకి కథా ఇప్పటికే సిద్ధమవ్వగా ప్రస్తుతం సామ్ సి.ఎస్. నేతృత్వంలో సంగీత కార్యక్రమాలు జరుగుతున్నాయి. ద్విభాషా చిత్రంగా రానున్న ఈ సినిమాకి సినిమాటోగ్రఫీ: ఎ.జె. శెట్టి, ఎడిటర్: దీపు ఎస్ కుమార్, ఆర్ట్ డైరెక్టర్: రవి సంతే హక్లే.