‘దేవకీనందన వాసుదేవ’చిత్రంలోని బంగారం పాటలో మానస వారణాసి 

దివంగత నటుడు కృష్ణ మనవడు, టాలీవుడ్ స్టార్ మహేశ్‌బాబు మేనల్లుడు అశోక్ గల్లా నటిస్తున్న రెండో చిత్రం ‘దేవకీనందన వాసుదేవ’. ఇందులో ఆయన మాస్, యాక్షన్-ప్యాక్డ్ పాత్రలో కనిపించనున్నారు. వారణాసి మానస కథానాయికగా నటిస్తోంది. అర్జున్ జంధ్యాల దర్శకత్వంలో ఈ చిత్రాన్ని లలితాంబిక ప్రొడక్షన్స్ బ్యానర్‌పై సోమినేని బాలకృష్ణ నిర్మిస్తున్నారు.

ఈ సినిమా నుంచి ఇప్పటికే మూడు పాటలు విడుదలయ్యాయి. తాజాగా బుధవారం మేకర్స్ ఈ చిత్రం నుంచి ‘బంగారం’ అనే పాటను రిలీజ్ చేశారు. భీమ్స్ సిసిరోలియో ఈ సాంగ్‌ను మాస్ డ్యాన్స్ నెంబర్‌గా కంపోజ్ చేశారు. భోలే షావలి సాహిత్యం అందించిన ఈ గీతాన్ని సింహా, ఉమా నేహా ఆలపించారు. ఈ పాటలో అశోక్ గల్లా, వారణాసి మానస కెమిస్ట్రీ సూపర్బ్‌గా ఉంది.

నవంబర్ 14న థియేటర్ల ద్వారా ప్రేక్షకుల ముందుకు రానున్న ఈ చిత్రానికి   సమర్పణ: నల్లపనేని యామిని; కథ: ప్రశాంత్‌వర్మ; మాటలు: సాయి మాధవ్ బుర్రా; సినిమాటోగ్రఫీ: ప్రసాద్ మూరెళ్ల, రసూల్ ఎల్లోర్.