నితిన్, శ్రీలీల జంటగా నటిస్తున్న చిత్రం ‘రాబిన్ హుడ్’. వెంకీ కుడుముల దర్శకత్వం వహిస్తున్న ఈ చిత్రాన్ని మైత్రీ మూవీ మేకర్స్ బ్యానర్‌పై నవీన్ యెర్నేని, వై రవిశంకర్ నిర్మిస్తున్నారు. దీపావళి సందర్భంగా చిత్ర యూనిట్ ఓ పోస్టర్‌ను విడుదల చేసింది. నితిన్ ఫైటింగ్ సీన్‌కు సంబంధించిన పోస్టర్‌ను మేకర్స్ విడుదల చేశారు. నితిన్ స్టులిష్ లుక్ ప్రేక్షకులను బాగా ఆకట్టుకుంటోంది.

రాజేంద్రప్రసాద్, వెన్నెల కిషోర్ తదితరులు ఈ సినిమాలో కీలక పాత్రలు పోషిస్తున్నారు. మరోవైపు చిత్ర టీజర్‌ను విడుదల చేయడానికి మేకర్స్ సన్నాహాలు చేస్తున్నారు. జీవీ ప్రకాశ్ కుమార్ ఈ చిత్రానికి సంగీతం అందిస్తున్నారు. ఈ చిత్రం క్రిస్మస్ కానుకగా డిసెంబర్ 20న ప్రేక్షకుల ముందుకు రానుంది.