తమ లుక్స్‌తో అభిమానులకు దివ్యానందం పంచుతున్నారు ‘భైరవం’ కథానాయికలు. హీరోయిన్ దివ్యా పిళ్లు బంగారు బొమ్మలా మెరిసిపోతుండగా, మరో కథానాయిక ఆనంది తెలుగింటి అందంతో ఆకట్టుకుంటోంది. బెల్లంకొండ సాయి శ్రీనివాస్, నారా రోహిత్, మంచు మనోజ్ లీడ్ రోల్స్‌లో నటిస్తున్న చిత్రమే ‘భైరవం’. విజయ్ కనకమేడల దర్శకత్వం వహిస్తున్న ఈ చిత్రాన్ని కేకే రాధామోహన్ నిర్మిస్తున్నారు.

మేకర్స్ కార్తీక పౌర్ణమి సందర్భంగా శుక్రవారం ఇద్దరు కథానాయికల ఫస్ట్‌లుక్ పోస్టర్లను రిలీజ్ చేశారు. దివ్యా పిళ్లుని బంగారు బొమ్మ ‘పూర్ణిమ’గా, మరో హీరోయిన్ ఆనందిని తెలుగింటి అందం ‘నీలిమ’గా పరిచయం చేశారు. ఈ రెండు పోస్టర్లు ప్రస్తుతం సోషల్ మీడియాలో వైరల్ అవుతున్నాయి. ఈ చిత్రానికి సినిమాటోగ్రఫీ: హరి కే వేదాంతం; సంగీతం: శ్రీ చరణ్ పాకాల; డైలాగ్స్: సత్యర్షి, తూమ్ వెంకట్.