పలు సూపర్ హిట్ సీరియళ్లు, సినిమాల్లో నటించి ప్రేక్షకుల ఆదరాభిమానాలు పొందింది జ్యోతి పూర్వజ్. ఇప్పుడు ఆమె ప్రధాన పాత్రలో ఓ చిత్రం తెరకెక్కనుంది ఈ సినిమాను ‘కిల్లర్’ పేరుతో యాక్షన్ థ్రిల్లర్ మూవీగా దర్శకుడు పూర్వాజ్ తెరకెక్కిస్తున్నారు. థింక్ సినిమా బ్యానర్‌పై పూర్వాజ్ ప్రజయ్ కామత్, ఏ పద్మనాభరెడ్డి నిర్మిస్తున్నారు.

‘కిల్లర్’ పార్ట్ 1 డ్రీమ్ గర్ల్ మూవీ నుంచి జ్యోతి పూర్వజ్ క్యారెక్టర్ ఫస్ట్‌లుక్‌తోపాటు మోషన్ పోస్టర్‌ను చిత్రబృందం ఆదివారం విడుదల చేసింది. చేతిలో గొడ్డలి పట్టుకున్న పవర్ ఫుల్ ఉమెన్ రోబోను ఈ పోస్టర్ ద్వారా పరిచయం చేశారు. ఆ రోబో జ్యోతి పూర్వజ్ క్యారెక్టర్‌గా మారడం ఆసక్తికరంగా ఉంది.

జ్యోతి పూర్వజ్ క్యారెక్టర్ లుక్‌లో ఆమె ఒక భుజానికి వెజిటేబుల్స్ బ్యాగ్, మరో చేతిలో గొడ్డలి పట్టుకుని ఉంది. అద్దంలో ఆమె రిఫ్లెక్షన్ పవర్ ఫుల్ ఉమెన్ రోబోను చూపిస్తోంది. ఈ చిత్రానికి సినిమాటోగ్రఫీ: జగదీశ్ బొమ్మిశెట్టి; సంగీతం: అషీర్ ల్యూక్, సుమన్ జీవరత్నం.