స్టార్ సింగర్ సిధ్ శ్రీరామ్ హైదరాబాద్ లో లైవ్ కాన్సర్ట్ నిర్వహించబోతోన్నాడు. ఫిబ్రవరి 15న ఈ లైవ్ మ్యూజిక్ కాన్సర్ట్‌ను మూవ్78 లైవ్ సంస్థ ఆధ్వర్యంలో జరుగనుంది. మీడియా సమావేశంలో ఈ కాన్సర్ విశేషాల్ని మూవ్78 లైవ్ సీఈవో నితిన్ కనకరాజ్, సింగర్ సిధ్ శ్రీరామ్ వివరించారు. సిధ్ శ్రీరామ్ మాట్లాడుతూ.. ‘పదేళ్ల నుంచి తెలుగు ప్రేక్షకులు నాపై ఎంతో ప్రేమను కురిపిస్తున్నారు.

నాకు తెలుగులోనే ఎక్కువ మంది అభిమానులున్నారు. మూడేళ్ల క్రితం హైదరాబాద్‌లో లైవ్ కాన్సర్ట్ చేశాను. మళ్లీ ఇప్పుడు చేయబోతున్నాం. ఈ కాన్సర్ట్‌లో నా పాటలతో పాటు 80, 90వ దశకంలో వచ్చిన మెలోడీ పాటల్ని కూడా పాడతాను.

నేను ప్రస్తుతం తెలుగు నేర్చుకుంటున్నాను. నాకు ఓ ఏడాది టైమ్ ఇవ్వండి.. తెలుగులో అనర్గళంగా మాట్లాడేందుకు ప్రయత్నిస్తాను’ అని అన్నారు. నితిన్ కనకరాజ్ మాట్లాడుతూ.. ‘నాకు పర్సనల్‌గా సిధ్ శ్రీరామ్ అంటే చాలా ఇష్టం. ఈ జనరేషన్‌కు సిధ్ అంటే చాలా ఇష్టం. సిధ్ శ్రీరామ్‌తో మూడేళ్ల తర్వాత మళ్లీ లైవ్ కాన్సర్ట్ నిర్వహిస్తున్నాం. ఇది ముఖ్యంగా ఫ్యామిలీ ఆడియెన్స్ కోసం, యూత్ కోసం ఏర్పాటు చేస్తున్నాం’ అని తెలిపారు.