హిట్, ఫట్‌లతో సంబంధం లేకుండా అవకాశాలు అందుకునే భామలు అతి కొద్ది మంది మాత్రమే ఉంటారు. అలాంటి వారిలో రాశి ఖన్నా ఒకరు. అందం, అభినయంతో పాటు గ్లామర్ విషయంలోనూ తగ్గేదేలే అన్నట్టుగా ఉండటంతో ఈ ముద్దుగుమ్మ హిట్, ఫట్‌లతో సంబంధం లేకుండా దక్షిణాదిలో అవకాశాలు అందిపుచ్చింది. అంతలా ఆదరించిన టాలీవుడ్‌ను తర్వాతి కాలంలో ఎందుకోగానీ దూరమైంది.

హిందీలో ‘ఫార్జి’ అనే వెబ్ సిరీస్ తర్వాత ‘యోధ’, ‘ది సబర్మతి రిపోర్ట్’ చిత్రాలు రాశి ఖన్నాను నిరాశపరిచాయి. అయినా సరే.. అమ్మడు హిందీ వైపు తప్ప మరోవైపు చూడటమే లేదు. తాజాగా ఓ ఇంటర్వ్యూలో రాశి ఖన్నా ఆసక్తికర వ్యాఖ్యలు చేసింది. తనకు ఎలాంటి చిత్రాలు ఇష్టమో చెప్పుకొచ్చింది. “కమర్షియల్ చిత్రాలంటే నాకు ఇష్టం. కానీ అవి  చేసేందుకు ఇంకా టైం ఉంది. కంటెంట్ ఉన్న చిత్రాలు చేస్తేనే పేరొస్తుంది.

నటిగా ఎదగాలనుకుంటున్న ఈ తరుణంలో కంటెంట్ ఉన్న చిత్రాలే చెయ్యాలి. అప్పుడే కెరీర్‌లో ఎదుగుదల ఉంటుంది. చాలా కాలంగా సౌత్ సినిమాలు చేస్తున్నా. హిందీలోనూ సౌత్‌లో చేస్తున్న సినిమాలే చేస్తే అంత ఎగ్జుటైంగ్‌గా అనిపించదు” అని రాశి ఖన్నా చెప్పుకొచ్చింది.