సందీప్ కిషన్, త్రినాథరావు నక్కిన దర్శకత్వంలో రూపొందిన చిత్రం ‘మజాకా’. ఈ చిత్రాన్ని ఏకే ఎంటర్‌టైన్మెంట్స్, హాస్య మూవీస్ బ్యానర్లపై రాజేశ్ దండా నిర్మించారు. రీతూ వర్మ హీరోయిన్‌గా నటించింది. మన్మధుడు ఫేమ్ అన్షు, రావు రమేశ్ కీలక పాత్రలు పోషించారు. ఈ సినిమా శివరాత్రి కానుకగా ఫిబ్రవరి 26న థియేటర్లలో విడుదల కానుంది. ఈ సందర్భంగా అన్షు విలేకరుల సమావేశంలో సినిమా విశేషాలను పంచుకున్నారు.

మీ పూర్తి పేరు అన్షు అంబానీనా?

అంబానీ అనేది చాలా పాపులర్ సర్ నేమ్. నా ఇంటిపేరు అది కాదు. అసలు అంబానీ అనే పేరు నాకు ఎలా వచ్చిందో కూడా తెలీదు. నా వికిపీడియాలో కూడా అదే పేరు ఉంది. అక్కడ ఎలా మార్చాలో కూడా తెలీదు.

మీలాంటి వారు ఎవరైనా హెల్ప్ చేస్తే బావుంటుంది (నవ్వుతూ). నా పేరు అన్షు. నేను సచిన్ సాగర్‌ని పెళ్లి చేసుకున్నాక అన్షు సాగర్ అయ్యాను. సింపుల్ అండ్ స్వీట్ గా అన్షు అని పిలిస్తే హ్యాపీ.

రెండు మూడు సినిమాల తర్వాత మళ్లీ తెరపై కనిపించకపోవడానికి కారణం?

నేను 15 ఏళ్లకే ఇండస్ట్రీలో వచ్చేశాను. అప్పటికి అంత ఎమోషనల్ మెచ్యురిటీ లేదు. ఒకవేళ ‘మన్మధుడు’ నా 25 ఏళ్ల వయసులో చేసి ఉంటే సినిమాల్లోనే కొనసాగడానికి అలోచించేదాన్ని. అప్పటికి నా చదువు కూడా పూర్తి కాకపోవడంతో లండన్ వెళ్లి మాస్టర్స్ చేశాను. సైకాలజిస్ట్ అయ్యి సొంతంగా క్లినిక్ పెట్టాను. 24 ఏళ్లకి పెళ్లి చేసుకున్నా. నాకు ఇద్దరు పిల్లలు. బ్యూటీఫుల్ జర్నీ. 

మీ రీఎంట్రీ కోసం ఈ కథని సెలెక్ట్ చేసుకోవడానికి కారణం?

‘మజాకా’ లవ్లీ స్టొరీ. నాకు చాలా నచ్చింది. ప్రసన్న గారు ఈ కథ చెప్పినప్పుడు చాలా ఎంజాయ్ చేశాను. నవ్వుతూనే ఉన్నాను. నా క్యారెక్టర్ కు చాలా ఇంపార్టెన్స్ ఉంది. చాలా హెవీ రోల్. 20 ఏళ్ల తర్వాత మళ్లీ సెట్స్‌లోకి రావడంతో చాలా నెర్వస్ ఫీలయ్యాను. న్యూ కమ్మర్‌లానే అనిపించింది. టీమ్ సపోర్ట్‌తో రెండు రోజుల తర్వాత సెట్ అయ్యాను.

ఇందులో ఛాలెంజ్‌గా అనిపించిన ఎలిమెంట్ ఏమిటి?

-తెలుగు లాంగ్వేజ్. తెలుగు పాఠాలు నేర్చుకున్నాను. తెలుగు టీచర్ సురేఖ గారు చాలా ఓపికగా తెలుగు నేర్పించారు. చాలా హోం వర్క్ చేశాను. నేను బ్రిటిష్ ఇండియన్‌ని. ఇప్పటికీ లండన్‌లోనే ఉంటున్నా.

ఇందులో మీ క్యారెక్టర్ ఎలా ఉంటుంది?

నా క్యారెక్టర్ పేరు యశోద. తను హెడ్ స్ట్రాంగ్ స్టబన్ విమెన్. తనకి ఎమోషనల్ పెయిన్ ఉంటుంది. అది ఆ పాత్రలో కనిపిస్తుంది. 

ఈ డైరెక్టర్‌తో వర్క్ చేయడం ఎలా అనిపించింది?

త్రినాథ్ గారు లవ్లీ డైరెక్టర్. తనకి ఓర్పు చాలా ఎక్కువ. తనతో వర్క్ చేసినప్పుడు సినిమాకి లాంగ్వేజ్ బారియర్ కాదనిపించింది. 

రావు రమేశ్‌తో వర్క్ చేయడం గురించి... 

రావు రమేశ్ గారు జెంటిల్‌మెన్. చాలా సపోర్టివ్. చాలా ఓపికగా ఉంటారు. ఆయన డబ్బింగ్ పూర్తి చేసి ‘అన్షు అద్భుతంగా చేశావ్’ అని చెప్పడం చాలా ఎనర్జీ ఇచ్చింది. 

సందీప్ కిషన్, రీతు వర్మతో కాంబినేషన్ సీన్స్ ఉన్నాయా?

ఉన్నాయి. సందీప్ వెరీ ఫన్నీ అండ్ కూల్. వెరీ నైస్ పర్సన్. రీతు వెరీ స్వీట్ అండ్ గ్రేస్ పుల్. మా మధ్య మంచి స్నేహం ఏర్పడింది. 

ఎలాంటి పాత్రలు చేయాలని ఉంది ?

ఎలాంటి క్యారెక్టర్ చేసినా కథ పరంగా మంచి స్ట్రెంత్ ఉన్న క్యారెక్టర్స్ చేయడానికి ఇష్టపడతాను. మళ్లీ నటించడానికే వచ్చాను. పెర్ఫార్మెన్స్‌కి స్కోప్ ఉన్న క్యారెక్టర్స్ చేయాలని ఉంది.