రామ్ చరణ్, శంకర్ కాంబినేషన్‌లో రూపొందుతోన్న పాన్ ఇండియా చిత్రం ‘గేమ్ చేంజర్’. ప్రపంచ వ్యాప్తంగా ఈ చిత్రం వచ్చే ఏడాది జనవరి 10న విడుదల కానుంది. దిల్ రాజు, శిరీష్ ఈ చిత్రాన్ని నిర్మిస్తున్నారు. ఈ చిత్రానికి సంబంధించిన టీజర్‌ను శనివారం లక్నోలో విడుదల చేశారు. ఈ కార్యక్రమంలో రామ్ చరణ్ మాట్లాడుతూ.. “శంకర్‌తో పని చేయడం నా అదృష్టం. ఇండియాలో లక్నో చాలా పెద్ద నగరం. ఇక్కడ మనుషులు మనసులు కూడా చాలా పెద్దవి. మా గత చిత్రాన్ని ఇక్కడ పెద్ద మనసుతో ఆదరించారు.

ఈ రోజు ఇక్కడ టీజర్ లాంచ్ జరగడం ఆనందంగా ఉంది” అన్నారు. కియారా అద్వానీ మాట్లాడుతూ.. “లక్నోలో మా చిత్ర ప్రయాణం ప్రారంభించడం ఆనందంగా ఉంది. నేను ఇక్కడకు రావాలని చాలా రోజులుగా అనుకుంటున్నా. రామ్ చరణ్‌తో మళ్లీ పని చేయడం ఆనందంగా ఉంది” అని పేర్కొన్నారు. దిల్ రాజు మాట్లాడుతూ.. ‘మా ప్రొడక్షన్‌లో 50వ చిత్రమిది. శంకర్ గారితో పని చేయాలని ఎప్పటి నుంచో అనుకున్నాను. పైగా అది రామ్ చరణ్‌తో అవడం మరింత ఆనందంగా ఉంది” అని అన్నారు.