రామ్ చరణ్ కియారా అద్వానీ జంటగా నటిస్తున్న చిత్రం ‘గేమ్ ఛేంజర్’. శంకర్ దర్శకత్వంలో ఈ చిత్రం రూపొందుతోంది. ఈ సినిమా నుంచి ఇప్పటికే రెండు పాటలు విడుదలై మంచి సక్సెస్ సాధించాయి. గురువారం మూడో పాటను చిత్ర బృందం విడుదల చేసింది. ఈ పాటను ఇన్‌ఫ్రారెడ్ కెమెరాతో షూట్ చేసినట్టుగా ఇప్పటికే శంకర్ వెల్లడించారు. ఇండియాలో తొలిసారిగా ఐఆర్ కెమెరాతో చిత్రీకరించిన తొలి పాట ఇదే కావడం విశేషం.

దీంతో ఈ పాట ఎలా ఉంటుందో చూడాలన్న ఆసక్తి ప్రేక్షకుల్లో నెలకొంది. ‘హైరానా ప్రియమైన హైరానా మొదలాయే నాలోన’ అంటూ సాగుతోందీ ఈ పాట. కార్తీ, శ్రేయా ఘోషల్ ఆలపించిన ఈ గీతానికి రామ జోగయ్య శాస్త్రి సాహిత్యం అందించారు. సంగీత దర్శకుడు తమన్ స్వరాలు సమకూర్చారు. సంక్రాంతి కానుక గా జనవరి 10న ప్రేక్షకుల ముందుకు రానుందీ చిత్రం.