హైదరాబాద్,(విజయక్రాంతి): నగరంలో పలు ప్రాంతాల్లో వర్షం కురుస్తోంది. ఉదయం నుంచి పొడిగా ఉన్న వాతావరణం సాయంత్రానికి ఒక్కసారిగా మారిపోయింది. అప్పటికప్పుడే మేఘాలు కమ్ముకొని వర్షం పడుతోంది. నాంపల్లి, కోఠి, అబిడ్స్, బషీర్ బాగ్, హిమాయత్ నగర్, బంజారాహిల్స్, అమీర్ పేట్, సనత్ నగర్, మియాపూర్, చందానగర్, మాదాపూర్, గచ్చిబౌలి, రాయదుర్గం, జూబ్లీహిల్స్, బోరబండ, మధురానగర్, పంజాగట్ట, ఖైరతాబాద్, జగద్గిరిగుట్ట, షాపూర్ నగర్, జీడిమెట్ల, మూసాపేట్, నిజాంపేట్, ప్రగతి నగర్, కుత్జుల్లాపూర్ పరిసర ప్రాంతాల్లో వర్షం పడుతోంది. దీంతో నగరంలో ఒక్కసారిగా కురిసిన వర్షానికి రహదారులు జలమయమయ్యాయి. ప్రధాన రహదారులపై నీరు చేరడంతో వాహనదారులు తీవ్ర ఇబ్బందులు పడుతున్నారు. ఉద్యోగులు ఇళ్లకు వెళ్లే సమయం కావడంతో ట్రాఫిక్ అంతరాయం ఏర్పడి వాహనాలు నెమ్మదిగా కదులుతున్నాయి.