సాయి పల్లవి.. దక్షిణాది ప్రేక్షకులకు చాలా దగ్గరైన నటి. గ్లామర్ షో వంటి వాటి జోలికి పోకుండా.. కేవలం అందం, అభినయంతో దూసుకెళుతోందీ ముద్దుగుమ్మ. నటనకు ప్రాధాన్యమున్న పాత్రల్లో నటిస్తూ స్టార్ స్టేటస్‌ను సొంతం చేసుకుంది. పైగా నిర్మాతలను సైతం ఆమె ఇప్పటి వరకూ పారితోషికం విషయంలో ఇబ్బంది పెట్టింది లేదట.

అయితే నాగ చైతన్యకు జంటగా నటిస్తున్న ‘తండేల్’ చిత్రానికి మాత్రం భారీ రెమ్యూనరేషన్ తీసుకుందంటూ వార్తలు వస్తున్నాయి. ఫలితాలను బట్టి రెమ్యూనరేషన్‌ను సైతం వదిలేసుకున్న సందర్భాలున్నాయని చెబుతారు. అలాంటి సాయి పల్లవి ‘తండేల్’కు మాత్రం మార్కెట్‌కు తగినట్టుగానే రెమ్యూనరేషన్ డిమాండ్ చేసినట్టు తెలుస్తోంది.

ఈ సినిమాకు హైప్ రావడానికి ఒకరకంగా సాయి పల్లవే ప్రధాన కారణం. ఆమె కారణంగానే సినిమాపై అంచనాలు భారీగా ఉన్నాయి. ఒక సినిమాకు రూ.2 కోట్ల కంటే తక్కువే తీసుకునే సాయి పల్లవి.. ‘తండేల్’కు మాత్రం రూ.5 కోట్లు తీసుకుందని టాక్. చందూ మొండేటి దర్శకత్వంలో రూపొందుతున్న ఈ చిత్రాన్ని శివ నిర్వాణ తెరకెక్కిస్తున్నారు.