హైదరాబాద్,(విజయక్రాంతి): తెలంగాణలో డ్రగ్స్, గంజాయి లాంటి మాదకద్రవ్యాలు రోజు ఎక్కడో అక్కడ పట్టుబడుతున్నాయి. తాజాగా శుక్రవారం శంషాబాద్ విమానాశ్రయంలో భారీగా డ్రగ్స్ పట్టుబడింది. వివరాల్లోకి వెళితే... బ్యాంకాక్ నుంచి హైదరాబాద్ కు ఇద్దరు వ్యక్తులు వచ్చారు. తనిఖీలో భాగంగా ఇద్దరిని తనిఖీ చేయగా వారి వద్ద నుంచి 7.10 కిలోల హైడ్రోఫోలిక్ వీడ్ స్వాధీనం చేసుకున్నారు. దాని విలువ సుమారుగా 7 కోట్లు ఉంటుందని డీఆర్ఐ అధికారులు వెల్లడించారు. దీంతో నిందితులను అదుపులోకి తీసుకొని ఎన్డీపీస్ చట్టం కింద కేసు నమోదు చేసి దర్యాప్తు చేస్తున్నట్లు అధికారులు పేర్కొన్నారు.