దౌల్తాబాద్ (విజయక్రాంతి): అనుమానాస్పద స్థితిలో గృహిణి మృతి చెందిన సంఘటన మండల కేంద్రమైన దౌల్తాబాద్ లో ఆదివారం చోటుచేసుకుంది. స్థానికులు తెలిపిన వివరాల ప్రకారం.. మండల కేంద్రానికి చెందిన ఇమ్మడి ప్రవీణ(45) గృహిణి ఇంట్లో ఉరివేసుకొని మృతి చెందింది. ఆర్ఎంపి వైద్యుడు కిషన్ మొదటి భార్య అనారోగ్యంతో మృతి చెందడంతో ప్రవీణను రెండు సంవత్సరాల క్రితం పెళ్లి చేసుకున్నాడు. పెళ్లి జరిగిన కొద్ది రోజుల నుండి డబ్బుల విషయంలో తరచు భార్యాభర్తలకు గొడవలు జరుగుతున్నాయి.

మొదటి భార్య పెద్ద కుమారుడైన శ్రీనివాస్ అతని భార్య వల్లనే గొడవలు జరుగుతున్నట్లు స్థానికులు తెలిపారు. ప్రవీణ మృతి చెందిన విషయం తెలుసుకున్న పోలీసులు ఘటన స్థలానికి చేరుకొని మృతదేహాన్ని పరిశీలించగా చేతులపై దెబ్బలు కనిపించాయి. పోస్టుమార్టం నిమిత్తం గజ్వేల్ ఏరియా ఆసుపత్రి తరలిస్తుండగా మృతురాలి బందువులు వచ్చే వరకు మృతదేహాన్ని ఇక్కడే ఉంచాలని స్థానికులు అడ్డుకున్నారు. పోలీసులు శవాన్ని ఇంట్లోనే ఉంచారు. పూర్తి వివరాలు ఇంకా తెలియాల్సి ఉంది.