ప్రముఖ హాలీవుడ్ నటుడు డొనాల్డ్ సదర్లాండ్ (88) కన్నుమూశారు. కెనడాకు చెందిన సదర్లాండ్ దీర్ఘకాలంగా అనారోగ్యంతో బాధ పడుతున్నారు. కాగా, ఆయన మియామీలో చికిత్స పొందుతూ తుదిశ్వాస విడిచారు. ఫిల్మ్ ఇండస్ట్రీకి ఆయన ఆరు దశాబ్దాల పాటు సేవలందించారు. ‘ది డర్టీ డజన్’ సినిమాతో హాలీవుడ్‌లో ప్రస్థానం ఆరంభించిన డొనాల్డ్ సినీ రంగానికి తనదైన సేవలందించి ఎన్నో అవార్డులు దక్కించుకున్నారు. ఆయన మరణంపై స్పందించిన హాలీవుడ్ ప్రముఖులంతా సంతాపం ప్రకటించారు. ఓ గొప్ప నటున్ని కోల్పోయామంటూ సీనియర్ నటులంతా డొనాల్డ్‌తో ఉన్న అనుబంధాన్ని గుర్తు చేసుకుంటూ, ఆయన సేవల్ని కొనియాడారు. ఆయనకు నివాళి అర్పించిన వారిలో టాలీవుడ్ స్టార్ నటి సమంత, బాలీవుడ్ పరిశ్రమకు చెందిన కరీనా కపూర్ ఖాన్ తదితరులు ఉన్నారు.