‘లక్కీ భాస్కర్’ చిత్రంతో మీనాక్షి చౌదరి మంచి హిట్ అందుకున్నారు. ఈ చిత్రంలో దుల్కర్ సల్మాన్ భార్య సుమతిగా తన నటనతో ప్రేక్షకులను ఆకట్టుకన్నారు. అమ్మడు నటనలో దుల్కర్‌తో పోటీ పడ్డారు. అసలే బ్యూటీ, నటన కూడా తోడవడంతో యూత్‌కి మీనాక్షి తెగ నచ్చేశారు. ఇక ఇప్పుడీ ముద్దుగుమ్మ మరో హిట్ కోసం ఆసక్తిగా ఎదు రు చూస్తున్నారు.

ఆమె నటించిన ‘మట్కా’ చిత్రం నవంబర్ 14న విడుదల కానుంది. ఈ చిత్రంలో వరుణ్ తేజ్, మీనాక్షి ప్రధాన పాత్రల్లో నటించా రు. మట్కా గేమ్ ఆధారంగా ఈ సినిమా రూపొందింది. ఈ చిత్రంపై అంచనాలు భారీగా ఉన్నాయి. పైగా చిత్ర యూనిట్ కూడా ‘మట్కా’ తప్పక హిట్ అవుతుందన్న ఆశాభావంతో ఉంది.

ఇది మాత్ర మే కాదు.. మరో వారం తిరక్కుండానే ‘మెకానిక్ రాకీ’తో మీనాక్షి ప్రేక్షకులను పలకరించనున్నారు. మెకానిక్ రాకీలో విశ్వక్సేన్‌తో మీనాక్షి జత కట్టారు. ఈ చిత్రం ఈ నెల 22న విడుదల కానుం ది. ‘మట్కా’, ‘మెకానిక్ రాకీ’ చిత్రాలు కూడా సక్సెస్ సాధిస్తే మీనాక్షి ఒక్క నెలలో హ్యాట్రిక్ కొట్టిన హీరోయిన్‌గా రికార్డ్ క్రియేట్ చేయనుంది.