అక్కినేని నాగ చైతన్య ప్రధాన పాత్రలో రూపొందుతున్న లవ్ అండ్ యాక్షన్ ఎంటర్‌టైనర్ ‘తండేల్’. చందూ మొండేటి దర్శకత్వం వహించిన ఈ చిత్రాన్ని అల్లు అరవింద్ సమర్పణలో గీతా ఆర్ట్స్ బ్యానర్‌పై బన్నీ వాసు నిర్మిస్తున్నారు. సాయి పల్లవి కథానాయి కగా నటిస్తోంది. దేవి శ్రీ ప్రసాద్ సంగీతం అందిస్తున్న ఈ సినిమా మ్యూజిక్ ప్రమోషన్లు ఇప్పటికే ప్రారంభమయ్యాయి.

ఫస్ట్  సింగిల్ ‘బుజ్జి తల్లి’ సెన్సేషనల్ హిట్ అయింది. తాజాగా విడుదలైన సెకండ్ సింగిల్  ‘నమో నమః శివాయ’ సైతం మంచి సక్సెస్ సాధించింది. ఈ క్రమంలోనే మేకర్స్ థర్డ్ సింగిల్ అప్‌డేట్ ఇచ్చారు. ‘తండేల్’ థర్డ్ సింగిల్ బ్లాక్ బస్టర్ లవ్ సాంగ్ ‘హైలెస్సో హైలెస్సా’ జనవరి 23న విడుదల కానుంది.

సముద్ర తీరంలో రగ్గడ్ లుక్‌లో లవ్లీ స్మైల్ తో నిలుచున్న నాగచైతన్య, ఎదురుగా బ్యూటీఫుల్ గా డ్యాన్స్ చేస్తూ సాయి పల్లవితో పోస్టర్‌ను రూపొందించారు. ప్రస్తుతం ఈ పోస్టర్ సోషల్ మీడియాలో వైరల్ అవుతోంది. ‘తండేల్’ సినిమా ఫిబ్రవరి 7న ప్రేక్షకుల ముందుకు రానుంది.