‘అక్కడ అమ్మాయి ఇక్కడ అబ్బాయి’ సమ్మర్ కి ఫ్యామిలీ అంతా కలసి హాయిగా నవ్వుకునే క్లీన్ ఎంటర్‌టైనర్: హీరో ప్రదీప్ మాచిరాజు

టీవీ యాంకర్ ప్రదీప్ మాచిరాజు హీరోగా నటిస్తున్న చిత్రం ‘అక్కడ అమ్మాయి ఇక్కడ అబ్బాయి’. దీన్ని యువ దర్శక ద్వయం డుయో నితిన్, భరత్ మాంక్స్‌అండ్‌మంకీస్ బ్యానర్‌పై తెరకెక్కిస్తున్నారు. దీపికా పిల్లి కథానాయికగా నటిస్తున్న ఈ సినిమా ఏప్రిల్ 11న విడుదల కానుంది. ఈ సందర్భంగా హీరో ప్రదీప్ మాచిరాజు విలేకరులతో సినిమా విశేషాలను పంచుకున్నారు. 

యాంకర్‌గా, యాక్టర్‌గా ఈ జర్నీ ఎలా అనిపిస్తోంది? 

యాంకర్‌గా, యాక్టర్‌గా ఈ జర్నీని నేనున చాలా అదృష్టంగా భావిస్తున్నా. సరైన సమయంలో మంచి అవకాశాలు వచ్చాయి. ప్రేక్షకు నుంచి మంచి ప్రోత్సాహం లభించింది. ఇప్పుడు మంచి కథ చెప్పే అవకాశం దొరికింది. ఒక్కసారి వెనక్కి తిరిగి చూసుకుంటే ఇప్పుడు నాపై మరింత బాధ్యత పెరిగిందని భావిస్తున్నా. లక్షల్లో ఒక్కరికి మాత్రమే లభించే అవకాశంగా భావిస్తున్నా.  

ఈ సినిమాను మీ ఫ్రెండ్స్ అంతా కలిసి నిర్మించడానికి కారణం?

-ఫస్ట్ సినిమా తర్వాత మరో మంచి కంటెంట్ ఉన్న సినిమా చేయాలని ప్లాన్ చేశాం. చాలా కథలు విన్నాం. లక్కీగా ఈ కథ దగ్గర ఆగాం. ఈ కథకు ఫౌండేషన్ నుంచి వర్క్ చేశాం. అందుకే కొంచెం టైమ్ పట్టింది. మా ఫ్రెండ్స్ సినిమా అంటే ఇంట్రెస్ట్. సినిమా అంటే పాషన్ ఉన్న వాళ్లందరూ కలిసి ఈ సినిమాని చేశాం. అందరం కలిసి ఒక అవకాశాన్ని సృష్టించుకున్నాం. -ఫస్ట్ నుంచి లాస్ట్ చార్ట్ వరకు ప్రాపర్ ఎంటర్‌టైనర్ ఇది. ఫ్యామిలీ అంతా కూర్చుని సమ్మర్లో హ్యాపీగా చూసే సినిమా. ఫ్యామిలీ ఆడియన్స్ మా నుంచి ఎలాంటి కంటెంట్ ఆశిస్తారో అలాంటి కంటెంట్ ఇందులో ఉంది. ఆడియన్స్ థియేటర్లకు వచ్చి హాయిగా ఎంజాయ్ చేయొచ్చు.

‘అక్కడ అమ్మాయి ఇక్కడ అబ్బాయి’ ఎలాంటి కథ?

మా సినిమాలో కథే మంచి ఎంటర్‌టైన్‌మెంట్. దీన్ని ఒక చందమామ కథలా చూడొచ్చు. అనగనగా ఒక ఊరు.. అక్కడ ఓ అమ్మాయి. ఆ ఊరికి వెళ్లిన ఒక సివిల్ ఇంజినీర్. ఆ ఊర్లో కొన్ని కట్టుబాట్లు ఉంటాయి. ఆ రూల్స్ మధ్య హీరో ఎలా ఇరుక్కున్నాడు? అనేది చాలా ఇంట్రెస్టింగ్‌గా ప్రజెంట్ చేశాం. 

సినిమా టైటిల్ గురించి..?! 

-ఇది పవన్‌కళ్యాణ్ టైటిల్. మా కథ అనుకున్నప్పుడే లక్కీగా ఈ టైటిల్‌ను అనుకున్నాం . పవన్‌కళ్యాణ్ డెబ్యు సినిమా టైటిల్‌తో ఒక సినిమా చేస్తున్నామంటే మాపై బాధ్యత పెరిగింది. అన్ని జాగ్రత్తలు తీసుకుని ఈ సినిమా చేశాం. టైటిల్‌కు తగ్గట్టు చాలా చక్కని అచ్చ తెలుగు సినిమా ఇది. సినిమా చూసిన తర్వాత ఈ టైటిల్ పర్ఫెక్ట్ అని ప్రేక్షకులు భావిస్తారు. పవన్‌కళ్యాణ్ టైటిల్‌తో ఒక సినిమా చేయడం మా అదృష్టం.  

ఇందులో మీ క్యారెక్టర్ ఎలా ఉండబోతుంది?

-ఇందులో కృష్ణ అనే పాత్రలో కనిపిస్తా. చాలా స్మార్ట్ క్యారెక్టర్. ఈ సినిమాలో నేను ఎంత చిరాకు పడతానో ప్రేక్షకులకు అంత వినోదం లభిస్తుంది. ఆ క్యారెక్టర్ పడే కష్టాలు చాలా ఇంట్రెస్టింగ్‌గా ఉంటాయి. ఆడియన్స్ చాలా ఎంజాయ్ చేస్తారు. స్క్రిప్ట్ విషయంలో చాలా జాగ్రత్తలు తీసుకున్నాం. డైరెక్టర్స్ నితిన్, భరత్ నాతో ఎప్పటినుంచో జర్నీ చేస్తున్నారు. నా టైమింగ్ వాళ్లకు తెలుసు. దానికి తగ్గట్టుగా ఈ కథను చాలా బ్యూటిఫుల్‌గా డిజైన్ చేశారు.

హీరోయిన్ దీపికా పిల్లి గురించి..?

ఈ సినిమా హీరోయిన్ పాత్రకు ఒక తెలుగు అమ్మాయి కావాలి. ఆడిషన్స్, లుక్ టెస్ట్, వర్క్‌షాప్ అన్నీ చేసిన తర్వాతే దీపికను హీరోయిన్‌గా తీసుకున్నారు. తను చాలా అద్భుతంగా నటించింది. 

రదన్ మ్యూజిక్ గురించి..?

ఈ సినిమాలో మ్యూజిక్‌కు చాలా మంచి స్కోప్ ఉంది. ప్రతి సాంగ్ ఒక డిఫరెంట్ జోనర్‌లో చేశారు. రదన్ బ్యూటీఫుల్ ఆల్బమ్ ఇచ్చారు. బ్యాక్‌గ్రౌండ్ స్కోర్ కూడా చాలా అద్భుతంగా ఉంటుంది. సినిమాను చాలా క్వాలిటీగా తీశాం. బాల్‌రెడ్డి బ్యూటిఫుల్ విజువల్స్ ఇచ్చారు.  

డైరెక్టర్స్ నితిన్, భరత్ గురించి..?

నితిన్, భరత్ నన్ను సర్ర్పైజ్ చేశారు. డెబ్యూ డైరెక్టర్స్‌లాగా అనిపించలేదు. డేఫినెట్‌గా చాలామంది యంగ్ డైరెక్టర్లకు నితిన్, భరత్ స్ఫూర్తిగా నిలుస్తారు. ఫస్ట్ కాపీ చూసిన తర్వాత ఎక్కడ కూడా కొత్తవారితో పనిచేసిన ఫీలింగ్ రాలేదు. సినిమాను చాలా అద్భుతంగా తీశారు. -ఇందులో కామెడీ చాలా నేచురల్‌గా కుదిరింది. కథ మొత్తం చాలా ఎంటర్‌టైనింగ్‌గా ఉంటుంది. కథలో కామెడీ ఉన్న సినిమా చేసి చాలా కాలమైందని బ్రహ్మానందం మాకు కాంప్లిమెంట్ ఇచ్చారు. -చాలా కాలం తర్వాత హాయిగా నవ్వుకునే సినిమా తీశారని సెన్సార్ సభ్యులు చెప్పారు. అది మాకు బిగ్గెస్ట్ కాంప్లిమెంట్. రెండున్నర గంటల పాటు ఆడియన్స్ హాయిగా నవ్వుకునే సినిమా ఇది.  

మైత్రి మూవీ మేకర్స్ రిలీజ్ గురించి..?

-మైత్రి మూవీ మేకర్స్ సినిమా చూశారు. సినిమా పూర్తవ్వగానే డీల్ క్లోజ్ చేశారు. ఇది సమ్మర్‌కు ఫ్యామిలీ అంతా కలిసి చూడాల్సిన సినిమా అని రిలీజ్ డేట్‌ను వారే లాక్ చేశారు. ఇది మాకు మరింత కాన్ఫిడెన్స్‌నిచ్చింది.