ఆత్మహత్యలు ఆగాలి

నేడు బాసర ట్రిపుల్ ఐటీని దత్తత తీసుకోనున్న నిర్మల్ ఎస్పీ జానకీ షర్మిల 

భైంసా, నవంబర్ 22 (విజయక్రాంతి): బాసర ఆర్జీయూకేటీ(ట్రిపుల్ ఐటీ)లో విద్యార్థుల ఆత్మహత్యల నివారణకు నిర్మల్ ఎస్పీ జానకీ షర్మిల కృషికి నడుం బిగించారు. జాతీయ దత్తత దినోత్సవం సందర్భంగా శనివారం విశ్వవిద్యాలయాన్ని దత్తత తీసుకో నున్నట్లు ఆమె శుక్రవారం తెలిపారు. ఆర్జీ యూకేటీలో విద్యార్థుల ఆత్మహత్యల నివారణకు ఎస్పీ జానకీషర్మిల చర్యలు తీసుకోనున్నారు. ఇక నుంచి విద్యాసంస్థలో నిరంతర పర్యవేక్షణతో విద్యార్థు లకు అవసరమైన సలహాలు సూచనలతో వారిని ఉన్నతులుగా తీర్చిదిద్దుతూ ఆత్మహత్యలు లేకుండా కృషి చేసేందుకు ఎస్పీ ముందుకొచ్చారు.