ఆర్థిక సాయం అందజేసిన జక్కిడి రఘువీర్ రెడ్డి 

ఎల్బీనగర్, జనవరి 30 : వైద్య విద్యలో సీటు సాధించిన అనాథ విద్యార్థికి బీఆర్‌ఎస్ నాయకుడు రఘువీర్ చేయూతనిచ్చారు. వివరాల్లోకి వెళ్తే.. ఎల్బీనగర్ చిత్ర లే ఔట్ లోని అనాథ విద్యార్థి  గృహంలో  ఉంటూ,  కష్టపడి చదివి నీట్ లో తెలంగాణలో  3994 రాంక్ సాధించి మంచిర్యాల ప్రభుత్వ మెడికల్ కాలేజీలో కన్వీనర్ కోటాలో దాసరి మహంకాళి ఎంబీబీఎస్ సీటు సాధించారు. ఎంబీబీఎస్ సీటు సాధించిన మహంకాళి కాలేజీ ఫీజు కట్టడానికి ఇబ్బంది పడుతున్నాడు.

దీంతో అనాథ విద్యార్థి గృహం  అధ్యక్షుడు మార్గం రాజేశ్ విద్యార్థి ధీనగాథను జక్కిడి చారిటబుల్ ట్రస్ట్ ఛైర్మెన్ జక్కిడి రఘువీర్ రెడ్డి దృష్టికి తీసుకెళ్లారు. తక్షణమే అనాథ విద్యార్థి దాసరి  మహoకాళి  డాక్టర్ కోర్సు  పూర్తయ్యేవరకు కాలేజీ ఫీజు మొత్తం జక్కిడి చారిటబుల్ ట్రస్ట్ చెలిస్తున్నది రఘువీర్ రెడ్డి హామీ ఇచ్చారు.

ఇందులో భాగంగా  మొదటి  విడతగా  రూ. 40 వేల ఆర్థిక సాయం చెక్కును విద్యార్థి మహంకాళికి (మెడికల్ కోర్సు ఫీజు, పుస్తకాలు, స్టేషనరీ, తదితర ఖర్చులు) అందజేశారు. బీఆర్‌ఎస్ మన్సూరాబాద్ డివిజన్ అధ్యక్షుడు జక్కిడి మల్లారెడ్డి చేతుల మీదుగా అనాథ విద్యార్థి మహంకాళికి అందజేశారు.  కార్యక్రమంలో ట్రస్ట్ చైర్మన్ జక్కిడి రఘువీర్ రెడ్డి, అనాథ విద్యార్థి గృహం అధ్యక్షుడు మార్గం రాజేశ్ , జగదీశ్ గౌడ్,  సుబ్బారావు తదితరులు పాల్గొన్నారు.