హైదరాబాద్ : తెలుగు రాష్ట్రాల్లో ఎల్లుండి ఎన్నికల పోలింగ్ జరుగనుండడంతో నగరవాసులందరు ఓటు వేసేందుకు పల్లెబాటు పట్టారు. దీంతో ఎల్బీ నగర్ లో భారీగా ట్రాఫిక్ జామాయింది. ఏపీ, తెలంగాణ ఓటర్లు ఓటు వేసేందుకు తమ స్వగ్రామాలకు హైదరాబాద్ నుంచి వెళ్తుండడంతో విజయవాడ జాతీయ రహదారిపై భారీగా వాహనాల రద్దీ కొనసాగుతుంది. ఓటర్లు ఏపీతో పాటు ఖమ్మం, నల్గొండ, సూర్యాపేట వైపు  బస్సులతో పాటు సొంత వాహనాల్లో అధిక సంఖ్యలో వెల్లడంతో ఎల్బీనగర్ బస్ స్టాప్ వద్ద బస్సుల కోసం జనాలు బారులు తీరడంతో ఎల్బీనగర్ నుంచి పనామా వరకు నెమ్మదిగా వాహనాలు సాగుతున్నాయి. దీంతో విజయవాడ హైవేపై పోలీసులు ట్రాఫిక్ ను నియంత్రిస్తున్నారు.  ఏపీ రహదారులు సంక్రాంతి పండుగ ను తలపిస్తున్నాయి.