శ్రీసింహ కోడూరి, సత్య లీడ్ రోల్స్‌లో నటించిన హిలేరియస్ థ్రిల్లర్ ‘మత్తువదలరా2’. ఫరియా అబ్దుల్లా  హీరోయిన్‌గా నటించింది. రితేశ్ రానా దర్శకత్వంలో చిరంజీవి (చెర్రీ), హేమలత పెదమల్లు నిర్మించిన ఈ చిత్రం సెప్టెంబర్ 13న విడుదలై, ప్రస్తుతం థియేటర్లలో ప్రదర్శితమవుతోంది. ఈ సందర్భంగా మేకర్స్ శనివారం రాత్రి సక్సెస్ మీట్‌ను హైదరాబాద్‌లో నిర్వహించారు. స్టార్ డైరెక్టర్స్ గోపీచంద్ మలినేని, శివ నిర్వాణ, వివేక్ ఆత్రేయ, అనుదీప్, మహేశ్‌బాబు అతిథులుగా హాజరయ్యారు.

ఈ కార్యక్రమంలో డైరెక్టర్ గోపీచంద్ మాట్లాడుతూ.. ‘పది రోజులుగా రెండు తెలుగు రాష్ట్రాల్లో వరదలతో కూడిన డిప్రెషన్‌లో ఉన్నాం. ఆ డిప్రెషన్ నుంచి బయటకు తీసుకొచ్చే ఫిలిం ఇది’ అన్నారు. హీరో శ్రీసింహ మాట్లాడుతూ.. ‘ప్రేక్షకులు హార్ట్ ఫుల్‌గా నవ్వుకోవడం చాలా ఆనందాన్నిచ్చింది’ అన్నారు. నిర్మాత చెర్రీ మాట్లాడుతూ “మత్తు వదలరా2’కు పెద్ద సినిమా అంతటి రెస్పాన్స్ రావడం చాలా ఆనందంగా ఉంది’ తెలిపారు. మిగతా అతిథులు, మూవీ టీమ్ ఈ కార్యక్రమంలో మాట్లాడి తమ అభిప్రాయాలు వెల్లడించారు.