కుమ్రంభీం ఆసిఫాబాద్, నవంబర్ 3 (విజయక్రాంతి): సిర్పూర్ (టి) మం డలం వెంపల్లి గ్రామ సమీపంలో ఆదివారం రెండు బైక్‌లు ఢీకొని హెడ్ కాని స్టేబుల్ మృతిచెందాడు. మహారాష్ట్ర సరిహద్దులోని హుడ్కిలి చెక్‌పోస్ట్ వద్ద విధులు నిర్వహిస్తున్న హెడ్ కానిస్టేబుల్ రాథోడ్ శంకర్ బైక్‌పై వెళ్తుండగా.. వెంపల్లి గ్రామ సమీపంలో మరో బైక్ ఎదురుగా ఢీకొనడంతో తీవ్రంగా గాయపడి, మృతిచెందాడు. మరో బైక్‌పై ఉన్న నిఖిల్, శ్రీకాంత్ కూడా తీవ్రంగా గాయపడ్డారు. మృతుడి భార్య సవిత ఫిర్యాదు మేరకు పోలీసులు కేసు దర్యాప్తు చేస్తున్నారు.