నాని, శైలేష్ కొలను కాంబోలో రూపొందుతున్న చిత్రం ‘హిట్ 3’ ది థర్డ్ కేస్ అన్న ట్యాగ్ లైన్‌తో ఇది రూపొందుతోంది. ‘హిట్, హిట్ 1’ మంచి సక్సెస్ సాధించడంతో హిట్ 3ని రూపొందిస్తున్నారు. సస్పెన్స్ థ్రిల్లర్‌గా తొలి రెండు భాగాలు రూపొందాయి. ఇది కూడా అదే జానర్‌లో తెరకెక్కనుంది. దీనికి సంబంధించిన పోస్టర్‌ను దీపావళి సందర్భంగా విడుదల చేశారు. ఈ చిత్రంలో శ్రీనిధి శెట్టి హీరోయిన్‌గా నటిస్తోంది.

వాల్ పోస్టర్ సినిమా, యునానిమస్ ప్రొడక్షన్స్‌తో కలిసి వాల్ పోస్టర్ సినిమాపై ప్రశాంతి తిపిర్నేని దీనిని నిర్మిస్తున్నారు. నాని ఒక యాక్షన్ సన్నివేశంలో ఫైర్ రాడ్‌తో విలన్‌ని కొడుతున్నట్టుగా ఉన్న పోస్టర్‌ను చిత్రబృందం విడుదల చేసింది. మొత్తానికి నాని యాక్షన్‌లోకి దిగేశాడు. ఈ చిత్రానికి మిక్కీ జే మేయర్ సంగీతం అందిస్తున్నారు. ఈ చిత్రం వచ్చే ఏడాది మే 1న విడుదల కానుంది.