కత్తులతో పొడిచి  చంపిన దుండగులు   

మహదేవపూర్, నవంబర్ 27: జయశంకర్ భూపాల్‌పల్లి జిల్లా మహదేవపూర్ మండలంలోని సండ్రుపళ్లి గ్రామం వద్ద హార్వెస్టర్ యజమానిపై ఇద్దరు వ్యక్తులు కత్తులతో పొడిచి హత్య చేశారు. మంచి ర్యాల జిల్లా చెన్నూరు మండలం కొమ్మెర గ్రామానికి చెందిన ముత్యా ల శ్రీకాంత్‌గౌడ్(25)కు చెందిన హార్వెస్టర్ గత మూడు రోజుల నుంచి సండ్రుపల్లి గ్రామంలో వరికోతలు చేస్తున్నది.

ప్రతిరోజు శ్రీకాంత్‌గౌడ్‌తోపాటు డ్రైవర్ ఇద్దరూ శ్రీకాంత్‌గౌడ్ కారులో స్వగ్రామానికి వెళ్లి వస్తున్నారు. ఈ క్రమంలో బుధవారం సాయంత్రం వరి కోసిన తర్వాత హార్వెస్టర్‌ను డ్రైవర్ ఖాళీ ప్రదేశంలో నిలుపుతున్నాడు. శ్రీకాంత్‌గౌడ్ తన కారులో ఉన్నాడు. ఈ క్రమంలో బైక్ పై వచ్చిన ఇద్దరు దుండగులు కత్తులతో శ్రీకాంత్‌గౌడ్‌పై దాడి చేసి చం పేశారు. హార్వెస్టర్ డ్రైవర్ పరిగెత్తుకుని రాగా దుండగులు బైకును అక్క డే వదిలిపెట్టి పరుగు తీశారు. గ్రామస్థులు పోలీసులకు సమాచారం అందించారు.