ముంబై: మహారాష్ట్ర స్టేట్ ఓపెన్ బ్యాడ్మింటన్ టోర్నీలో అండర్- 17తో పాటు పురుషుల సింగిల్స్‌లో భారత ఆటగాడు హర్షిత్ మహిమ్‌కర్ ఫైనల్లో అడుగుపెట్టాడు. ఆదివారం జరిగిన పురుషుల సింగిల్స్ సెమీఫైనల్లో మహిమ్‌కర్ 21-13, 21-10తో శ్వేతాంక్ కర్ణిక్‌ను మట్టికరిపించాడు. కేవలం 34 నిమిషాల్లోనే మ్యాచ్ ముగియడం గమనార్హం.

అంతకముందు బాయ్స్ అండర్-17 కేటగిరీ లో మహిమ్‌కర్ 21-16, 21-15తో సుమిత్‌పై గెలుపొంది తుది పోరుకు చేరుకున్నాడు. మరో సెమీస్‌లో సోహమ్ పాఠక్ 21-11, 21-18తో టాప్ సీడ్ తనయ్ మెహెన్‌దలేను ఓడించి ఫైనల్‌కు చేరుకున్నాడు. మహిళల సింగిల్స్‌లో ప్రిశా షా, దేవాన్షి షిండే ఫైనల్లో అడుగుపెట్టగా.. గర్ల్స్ అండర్-17లో ఖుషి, ప్రిశా తుది పోరుకు చేరుకున్నారు.