సంగారెడ్డి,(విజయక్రాంతి): రైతు దీక్షలో బీఆర్ఎస్ మాజీ మంత్రి హరీశ్ రావు పాల్గొన్నారు. రేవంత్ రెడ్డి మహారాష్ట్రలో అసత్యాలు ప్రచారం చేస్తున్నారని, ఆరు గ్యారంటీలు అమలు చేశామని ముఖ్యమంత్రి రేవంత్ రెడ్డి ప్రచారం చేస్తున్నారని, బాండ్ పేపర్, గ్యారంటీలంటూ ప్రజలను కాంగ్రెస్ మోసం చేసిందని హరీశ్ రావు పేర్కొన్నారు. మూసీ ప్రారంభస్థానం నుంచే పాదయాత్ర చేద్దామని సీఎంకు సవాల్ చేశారు. కాంగ్రెస్ హయంలో రైతులు రోడ్లపాలు, చిన్నారులు ఆసుపత్రిపాలు, పోలీసులు రోడ్లెక్కతున్నారు, మంత్రులేమో గాలి మోటార్లు ఎక్కి గాల్లో తిరుగుతున్నారని హరీశ్ రావు ఆరోపణలు చేశారు. మంత్రులు భూమిపై తిరిగితే ప్రజల కాష్టాలు తెలుస్తాయని, ఏడాది పాలన సందర్భంగా విజయోత్సవాలు చేస్తామంటున్నారు. ఆ విజయోత్సవాలు ఎంందుకు చేస్తారో చెప్పాలి..? అని అడిగారు. ప్రజలను మోసం చేసినందుకు విజయోత్సవం చేసుకుంటారా..?  అని ప్రశ్నించారు. ఎప్పుడు ఎన్నికలొచ్చినా 100 సీట్లు గెలుస్తామని హరీశ్ రావు పేర్కొన్నారు.