ఆర్తి చాబ్రియా 1982 నవంబర్ 21వ తేదీన ముంబైలో జన్మించారు. ఆమె మూడేళ్ల వయసులోనే తొలిసారిగా ఫారెక్స్‌కు ప్రచారకర్తగా తన నట ప్రస్థానాన్ని ప్రారంభించారు. మాగి నూడుల్స్, పెప్సోడెంట్ టూత్ పేస్ట్, క్లీన్ అండ్ క్లియర్ ఫేస్ వాష్ తదితర యాడ్స్‌లో నటించారు. 1999లో ఆమె మిస్ ఇండియాగా ఎంపికయ్యారు. ఆర్తి ‘తుమ్ సే అచ్చా కౌన్ హై’ అనే హిందీ సినిమా ద్వారా వెండితెరకు పరిచయమయ్యారు. ‘ఒకరికొకరు’ చిత్రం ద్వారా తెలుగు ప్రేక్షకులకు దగ్గరయ్యారు. 

నేహా శర్మ 1987 నవంబర్ 21న బిహార్‌లోని భాగల్పూర్‌లో జన్మించారు. తెలుగు సినిమా ‘చిరుత’ ద్వారా 2007లో సినీరంగ ప్రవేశం చేశారు. ఈ చిత్రంలో రామ్ చరణ్ సరసన హీరోయిన్‌గా నటించారు. ఆ తరువాత 2009లో ‘కుర్రాడు’ అనే చిత్రంలో నటించారు. ఈ సినిమా తర్వాత ఆమె బాలీవుడ్‌కి వెళ్లి పలు చిత్రాల్లో నటించారు. 2017లో హిందీలో ‘ముబారకన్’ అనే చిత్రం తర్వాత సినీరంగానికి దూరమయ్యారు.