ఇవాళ దర్శకుడు జాగర్లమూడి రాధాకృష్ణ పుట్టిన రోజు. ఆయన 1978 నవంబర్ 10న గుంటూరులో జన్మించారు. ఫార్మసీలో ఎంఎస్ కోసం అమెరికా వెళ్లిన క్రిష్ అక్కడ కూడా సినిమాలు చూస్తే గడిపేవారు. ఇండియాకు వచ్చిన తరువాత దర్శకుడు రసూల్ ఎల్లోర్ వద్ద సహాయ దర్శకుడిగా చేరారు. ఆయన రూపొందించిన తొలి చిత్రం ‘గమ్యం’. తొలి చిత్రానికే ఉత్తమ దర్శకుడిగా నంది పురస్కారం అందుకున్నారు.

చిన్న హోటల్‌లో కూర్చొని గమ్యం కథ రాసుకున్నారట. దానిని 2008లో తెరకెక్కించారు. ఈ చిత్రానికి నిర్మాతలెవరూ దొరకకపోవడంతో తన తండ్రి, సోదరుడు, స్నేహితుని సాయంతో నిర్మించి మంచి సక్సెస్ సాధించారు. ఆ తరువాత వేదం, కృష్ణం వందే జగద్గురం, కంచె, గౌతమీపుత్ర శాతకర్ణి వంటి చిత్రాలతో దర్శకుడిగా ఇండస్ట్రీలో తనదైన ముద్ర వేశారు.