ప్రముఖ బాలీవుడ్ నటుడు షారుఖ్ ఖాన్ ఇవాళ పుట్టినరోజు జరుపుకుంటున్నారు. ఆయన 1965 నవంబర్ 2న ఢిల్లీలో జన్మించారు. ఆయనకు పుట్టిన రోజు శుభాకాంక్షలు చెబుతూ ఆయన గురించి కొన్ని ఆసక్తికర విషయాలు తెలుసుకుందాం. ఫౌజి అనే దూరదర్శన్ సిరీస్ ద్వారా ఆయన తన యాక్టింగ్ కెరీర్‌ను ప్రారంభించారు. ఆ తరువాత బుల్లితెరపై కొంతకాలం పాటు తన హవా కొనసాగించారు.

తొలిసారిగా 1992లో దివానా అనే చిత్రంలో ఒక సపోర్టింగ్ రోల్‌తో వెండితెరకు పరిచయమయ్యారు. ఆ తరువాత ప్రతి నాయకుడి పాత్రలోనూ మెప్పించారు. 1993లో బాజీఘర్, డర్ చిత్రాలు మంచి సక్సెస్ సాధించడంతో బాలీవుడ్‌లో నిలదొక్కుకున్నా రు.

1995లో వచ్చిన ‘దిల్‌వాలా దుల్హనియా లేజాయింగే’ చిత్రం బ్లాక్ బస్టర్ హిట్ కొట్టడంతో ఇక షారుఖ్ తిరిగి చూడలేదు. ఇదే ఏడాది ఆయన నటించిన ఏడు చిత్రాలు విడుదలయ్యాయి. ఇప్పటికీ ఆయన స్టార్ హీరోగా కొనసాగుతున్నారు.  

నివేదా థామస్ కూడా ఇవాళ పుట్టినరోజు జరుపుకుంటున్నా రు. ఆమె కేరళలోని కన్నూర్‌లో 1995 నవంబర్ 2న జన్మించారు. మలయాళం, తెలుగు, తమిళ చిత్రాల్లో నటించారు. 2002లో మలయాళ చిత్రం ‘ఉత్తర’తో బాలనటిగా వెండితెరకు పరిచయమయ్యారు. ‘జెంటిల్ మేన్’ చిత్రం ద్వారా టాలీవుడ్‌కు పరిచయమయ్యారు. ‘నిన్ను కోరి, జై లవకుశ’ వంటి చిత్రాలతో తెలుగులోనూ తనదైన ముద్ర వేశారు.