వనపర్తి,(విజయక్రాంతి): గ్రూప్-4 పరీక్షల్లో ఉద్యోగాలకు ఎంపికైన అభ్యర్థులు సీఎం రేవంత్ రెడ్డి చేతుల మీదుగా బుధవారం నియామక పత్రాలు అందుకునేందుకు పెద్దపల్లి జిల్లాకు బయలుదేరారు. జిల్లా కేంద్రంలోని ప్రభుత్వ పాలిటెక్నిక్ కళాశాల మైదానం నుండి డిఆర్డిఓ ఉమాదేవి, ఏవో భాను ప్రకాష్ లు 179 మంది అభ్యర్థులను నాలుగు ప్రత్యేక బస్సుల్లో జెండా ఊపి  సాగనంపారు. ప్రజా పాలన విజయోత్సవాలలో భాగంగా పెద్దపల్లి జిల్లాలో సీఎం రేవంత్ రెడ్డి కొత్తగా ఉద్యోగాలకు ఎంపికైన అభ్యర్థులకు నియామక పత్రాలు అందజేయనున్నారు.  వనపర్తి జిల్లా నుండి మొత్తం నాలుగు బస్సుల్లో 179 మంది ఎంపికైన అభ్యర్థులు పెద్దపల్లికు బయలుదేరారు. కార్యక్రమంలో మునిసిపల్ కమిషనర్ పూర్ణ చందర్, రవి, తదితరులు పాల్గొన్నారు.