1. డిసెంబర్ 15, 16 తేదీల్లో పరీక్షలు
2. ఏర్పాట్లు చేస్తున్న టీజీపీఎస్సీ

హైదరాబాద్, నవంబర్ 21 (విజయక్రాంతి): గ్రూప్-2 పరీక్షల నిర్వహణకు సంబంధించి టీజీపీఎస్సీ ఏర్పాట్లు చేస్తోంది. డిసెంబర్ 9 నుంచి గ్రూప్-2 పరీక్ష హాల్‌టికెట్లు డౌన్‌లోడ్ చేసుకోవచ్చని టీజీపీఎస్సీ గురువారం తెలిపింది. డిసెంబర్ 15, 16 తేదీల్లో రెండు సెషన్లలో పరీక్షలు నిర్వహించనున్నారు. మొత్తం 783 పోస్టులకు గానూ 5.51 లక్షల మంది దరఖాస్తు చేసుకున్నారు.

15న పేపర్-1, పేపర్-2, 16న పేపర్-3, పేపర్-4 పరీక్షలు జరగనున్నాయి. హాల్‌టికెట్ల డౌన్‌లోడ్‌లో ఏవైనా సమస్యలు తలెత్తితే సంబంధిత అధికారులను సంప్రదించాలని టీజీపీఎస్సీ పేర్కొంది. ఈఏడాది ఆగస్టులోనే గ్రూప్-2 పరీక్షలు జరగాల్సి ఉండగా, డీఎస్సీ పరీక్ష ఉండటంతో అభ్యర్థుల విజ్ఞప్తి మేరకు ప్రభుత్వం డిసెంబర్‌కు వాయిదా వేసింది.