హైదరాబాద్,(విజయక్రాంతి): తెలంగాణ వ్యాప్తంగా గ్రూప్-3 పరీక్షలు ఆదివారం ప్రారంభమయ్యాయి. తెలంగాణ రాష్ట్ర పబ్లిక్ సర్వీస్ కమిషన్ 1365 గ్రూప్-3 రిక్రూట్ మెంట్ వ్రాత పరీక్ష ద్వారా నవంబర్ 17,18 రోజుల్లో నిర్వహిస్తుంది. ఉదయం 10 గంటల నుంచి 12.30 గంటల వరకు పేపర్-1, మధ్యాహ్నం 3 నుంచి 5.30 గంటల వరకు పేపర్-2, 18వ తేదీన ఉదయం 10 గంటల నుంచి 12.30 గంటల వరకు పేపర్-3 పరీక్ష నిర్వహించనున్నట్లు టీజీపీఎస్సీ వెల్లడించింది. పరీక్ష కేంద్రాల వద్ద 144 సెక్షన్ అమలు చేసి పటిష్ట పోలీసు బందోబస్తును ఏర్పాటు చేశారు.  గ్రూప్-3 సర్వీసుల పోస్టుల భర్తీకి చేసేందుకు తెలంగాణ రాష్ట్ర పబ్లిక్ సర్వీస్ కమిషన్ 30 డిసెంబర్ 2022లో నోటీఫికేషన్ విడుదల చేసింది. ఈ గ్రూప్-3 పోస్టులకు రాష్ట్రవ్యాప్తంగా 5.36 లక్షల మంది అభ్యర్థులు దరఖాస్తు చేసుకున్నారు. అభ్యర్థులు అధికారులు నిర్ణయించిన సమయానికి ముందే పరీక్ష కేంద్రాల వద్ద ఉండడంతో సందడి వాతావరణం నెలకొంది. అభ్యర్థులకు సంబంధించిన గుర్తింపు కార్డులను తనిఖీ చేసి పరీక్ష కేంద్రాల్లోకి అనుమతించారు. నిమిషం ఆలస్యంగా వచ్చిన వారిని అనుమతించలేదు.