• రాచకొండ సీపీ తరుణ్ జోషి అభినందన 
  

హైదరాబాద్ సిటీబ్యూరో, జూన్ 12  (విజయక్రాంతి): జాతీయ స్థాయి పవర్ లిఫ్టింగ్ పోటీల్లో ప్రదీప్ కుమార్ పసిడి పతకంతో సత్తాచాటాడు. రాచకొండ పోలీస్ కమిషనరేట్‌లో అసిస్టెంట్ అకౌంట్స్ ఆఫీసర్‌గా విధులు నిర్వహిస్తున్న ప్రదీప్ కుమార్ ఢిల్లీ వేదికగా జరిగిన పోటీల్లో బంగారు పతకం సాధించాడు. పురుషుల 83 కేజీల డెడ్ లిఫ్ట్ కేటగిరీలో 170 కేజీల బరువెత్తిన ప్రదీప్ అగ్రస్థానంలో నిలిచాడు. జాతీయ స్థాయిలో రాణించిన ప్రదీప్‌కుమార్‌ను రాచకొండ సీపీ తరుణ్ జోషి బుధవారం ఘనంగా సత్కరించారు. ప్రభుత్వఉద్యోగం చేస్తూ కూడా క్రీడలపై మక్కువతో అంచెలంచెలుగా ఎదిగి జాతీయ, అంతర్జాతీయ స్థాయిలో పతకాలు సాధించడం అభినందనీయమని కొనియాడారు. భవిష్యత్తులో మరిన్ని విజయాలు సాదించాలని ఆశాభావం వ్యక్తం చేశారు. కార్యక్రమంలో చీఫ్ అకౌంట్స్ ఆఫిసర్ సుగుణ, జూనియర్ అకౌంట్స్ ఆఫీసర్ వెంకటేశ్వర రావు, సీనియర్ అకౌంటెంట్ అభినవ్ తదితరులు పాల్గొన్నారు.