వేడుకల్లో పాల్గొన్న కలెక్టర్, ఎస్పీ, అధికారులు..

నిర్మల్ (విజయక్రాంతి): నిర్మల్ జిల్లా కేంద్రంలో 76వ గణతంత్ర దినోత్సవ వేడుకలను ఆదివారం ఘనంగా నిర్వహించారు. జిల్లా కలెక్టరేట్ సమీకృత భవనంతో పాటు క్యాంపు కార్యాలయం, ఎన్టీఆర్ స్టేడియంలో నిర్వహించిన వేడుకల్లో జిల్లా కలెక్టర్ అభిలాష అభివన్, అదనపు కలెక్టర్లు కిశోర్‌కుమార్, ఫైజాన్‌ అహ్మద్, జిల్లా ఎస్పీ జానకీ షర్మిలతో కలిసి పాల్గొన్నారు. ఆయా కార్యాలయాల్లో జెండను ఎగురవేసిన కలెక్టర్, ఎన్టీఆర్ స్టేడియంలో పోలీసుల గౌరవ వందనాన్ని స్వీకరించి ప్రజలకు ప్రభుత్వం ద్వారా చేపట్టిన అభివృద్ధిని వివరించారు. 75 ఏళ్ల గణతంత్ర రాజ్యంలో భారతదేశం అన్ని రంగాల్లో అభివృద్ధి చెందుతోందని ప్రభుత్వ పథకాలను ప్రజలు సద్వినియోగం చేసుకోవాలని కోరారు.

ఉత్తమ ఉద్యోగులకు ప్రశంసపత్రాలను అందించారు. నిర్మల్ ఉత్సవాల్లో పాల్గొన్న ఉద్యోగులకు ప్రశంసపత్రాలు, పోలీసులకు పోలీసు మెడల్స్‌ను బహుకరించి ప్రభుత్వం ప్రదర్శించిన శకటాలను తిలకించారు. వివిధ పాఠశాలలకు చెందిన విద్యార్థులు ప్రదర్శించిన ప్రదర్శనలు ఆకట్టుకున్నాయి. అనంతరం స్టాళ్లను పరిశీలించిన కలెక్టర్ దివ్యాంగులకు సబ్సిడీపై మంజూరైన ఎలక్ట్రికల్ వాహనాలు పంపిణీ చేశారు. ఈ కార్యక్రమంలో డీఆర్వో రత్నాకల్యాణి, ఎఎస్పీ రాకేష్‌మీనా, డీసీసీ అధ్యక్షులు శ్రీహరిరావు, మున్సిపల్ ఛైర్మన్ గండ్రత్ ఈశ్వర్, సత్యం, ఎఎస్పీలు ఉపేందర్‌రెడ్డి, జిల్లా అధికారులు పాల్గొన్నారు. 

ఎస్పీ కార్యాలయంలో...

జిల్లా ఎస్పీ కార్యాలయంలో 76వ గణతంత్ర దినోత్సవ వేడుకలను ఘనంగా జరుపుకున్నారు. జిల్లా ఎస్పీ జానకీ షర్మిల జాతీయ పతకాన్ని ఆవిష్కరించారు. ఈ సందర్భంగా పోలీసులు ఆమెకు గౌరవ వందనాన్ని సమర్పించారు. శాంతిభద్రతల పరిరక్షణకు పోలీసుశాఖ తీసుకుంటున్న చర్యలు వివరించారు. ఇదిలా ఉండగా డీసీసీ అధ్యక్షులు శ్రీహరిరావు తన నివాసభవనంలో జెండను ఎగురవేయగా, మాజీ మంత్రి అల్లోల ఇంద్రకరణ్‌రెడ్డి నివాస భవనంలో అల్లోల సోదరులు అల్లోల మురళీధర్‌రెడ్డి జాతీయ పతాకాన్ని ఎగురవేయగా, ప్రభుత్వ కార్యాలయాల్లో జిల్లా అధికారులు జెండాను ఎగురవేశారు. ఉద్యోగ సంఘాలు, విద్యార్థి సంఘాలు, రాజకీయ పార్టీలు, ట్రెడ్ యూనియన్లు ఆధ్వర్యంలో కూడా జాతీయ పతకాన్ని ఆవిష్కరించి వేడుకలను ఘనంగా నిర్వహించుకున్నారు.