ప్రత్యేక పూజా కార్యక్రమంలో పాల్గొన్న వడ్డేపల్లి రాజేశ్వరరావు..

కూకట్ పల్లి (విజయక్రాంతి): శేరిలింగంపల్లి నియోజకవర్గం ఆల్విన్ కాలనీ డివిజన్ పరిధిలోని వెంకట పాపాయి నగర్ లో  చింతల అక్షిత్ మణికంఠ గురుస్వామి, రాంబాబు, నాగ తేజ, రామతేజ, నాగరాజు, నర్సింగరావు స్వాముల ఆధ్వర్యంలో 18వ పడి మెట్టు అయ్యప్ప మహాపడి పూజ కార్యక్రమాలు కన్నుల పండుగగా జరిగాయి. స్వాముల శరణుఘోషల మధ్య భజనలు కీర్తనలు పడుతూ పడి పూజ చేశారు. శ్రీ అయ్యప్ప పడిపూజ మహోత్సవానికి భారతీయ జనతా పార్టీ రాష్ట్ర కార్యవర్గ సభ్యులు వడ్డేపల్లి రాజేశ్వరరావు, ఆల్విన్ కాలనీ డివిజన్ కార్పొరేటర్ వెంకటేష్ గౌడ్, మాజీ కార్పొరేటర్ మాధవరం రంగారావు, ఎర్రబెల్లి సతీష్ రావు హాజరై ప్రత్యేక పూజలు నిర్వహించారు.

ఈ సందర్భంగా వారు మాట్లాడుతూ.. స్వామివారి మహా పడిపూజ మహోత్సవంలో పాల్గొనడం ఎంతో ఆనందంగా ఉందన్నారు. ప్రజలపై అయ్యప్ప స్వామి వారి కృప చల్లని చూపు తప్పక ఉంటుందని అన్నారు. అయ్యప్పస్వామి ఆశీస్సులతో ప్రజల సుఖ సంతోషాలతో జీవించాలని స్వామివారిని వేడుకున్నట్లు తెలిపారు. అయ్యప్ప మహా పడిపూజ కార్యక్రమం కేశవ పంతులు, భజన గంగపుత్ర నర్సింగ్ రావు నిర్వహించారు. ఈ కార్యక్రమంలో మాజీ కార్పొరేటర్ గొట్టిముక్కల వెంగళరావు, దామోదర్ రావు, వడ్డేపల్లి రంగారావు, రామకృష్ణ గౌడ్, జర్నలిస్టులో పరమేష్, నాగరాజ్ యాదవ్, స్థానికులు నాగేశ్వరరావు, శ్రీనివాసులు, అల్లు భగవాన్, ప్రభాకర్, గోపి చారి, ప్రదీప్ తదితరులు పాల్గొన్నారు.