మందమర్రి (విజయక్రాంతి): టిఆర్ఎస్ అనుబంధం తెలంగాణ బొగ్గు గని కార్మిక సంఘం ఆవిర్భావ దినోత్సవ వేడుకలు ఘనంగా నిర్వహించారు. పట్టణంలోని యూనియన్ కార్యాలయంలో యూనియన్ జెండాను ఏరియా ఉపాధ్యక్షులు మేడిపల్లి సంపత్ ఆవిష్కరించారు. అనంతరం కేకు కట్ చేసి మిఠాయిలు పంపిణీ చేశారు. సందర్భంగా ఆయన మాట్లాడారు. ప్రత్యేక తెలంగాణ ఉద్యమం సందర్భంగా పురుడు పోసుకున్న తెలంగాణ బొగ్గు గని కార్మిక సంఘం అనతి కాలంలోనే జాతీయ సంఘాలకు దీటుగా బలమైన యూనియన్ గా సింగరేణిలో అవతరించిందన్నారు.

స్థాపించిన అనతికాలంలోనే సింగరేణిలో గుర్తింపు సంఘంగా రెండు దఫాలు గెలిచి కార్మికులకు అనేక హక్కులను సాధించి పెట్టిందన్నారు. జాతీయ సంఘాలు పోగొట్టిన డిపెండెంట్ ఎంప్లాయ్ మెంట్ పునరుద్ధరించడంతో పాటు కార్మికులకు మెరుగైన లాభాల వాటాను ఇప్పించిన ఘనత టీబీజీకేఎస్ కే దక్కుతుందన్నారు. రానున్న రోజుల్లో సింగరేణి కార్మికుల సమస్యల పరిష్కారం కోసం ఆందోళనలు చేపడతామన్నారు. ఈ కార్యక్రమంలో యూనియన్ ఏరియా నాయకులు, సెంట్రల్ ఆల్ డిపార్ట్మెంట్ నాయకులు, అన్ని గనుల ఫిట్ సెక్రెటరీలు, బిఆర్ఎస్ నాయకులు, వార్డు అధ్యక్షులు, యూత్, విద్యార్థి, సోషల్ మీడియా నాయకులు, మహిళ నాయకులు పాల్గొన్నారు.