జగదేవపూర్ (విజయక్రాంతి): జగదేవపూర్ మండల పరిధిలోని మునిగడప గ్రామానికి చెందిన ఎర్రవెల్లి లలిత నారాయణ రెడ్డికి ముగ్గురు సంతానం రెండవ  కుమారుడు రాఘవ రెడ్డి చిన్న నాటి నుండి తల్లిదండ్రుల కష్టాలను చూస్తూ స్వగ్రామంలో జిల్లా పరిషత్ ఉన్నత పాఠశాలలో 10వ తరగతి, ఆదర్శ పాఠశాల జగదేవపూర్ ఇంటర్మీడియట్ విద్యాభ్యాసం పూర్తి చేసుకొని ఉన్నత చదువులు హైదరాబాద్ లో చదువుతూ 2023 సంవత్సరంలో రైల్వే గ్రూప్ డి ఉద్యోగం సాధించాడు. తల్లిదండ్రులకు చెదోడుగా నిలుస్తూనే 2024 సంవత్సరంలో సివిల్ కానిస్టేబుల్ ఉద్యోగానికి సెలెక్ట్ అయ్యాడు. ట్రైనింగ్ లో ఉండగానే ఇటీవల తెలంగాణ ప్రభుత్వం ప్రవేశ పెట్టిన గ్రూప్-4 రెవెన్యూ శాఖలో జూనియర్ అసిస్టెంట్ గా ఉద్యోగం సాధించి గ్రామ యువతకు ఆదర్శంగా నిలిచాడు. ఈ సందర్భంగా రాఘవరెడ్డి మాట్లాడుతూ.. జీవితంలో ఉన్నత స్థాయిలో ఉండడమే తన లక్ష్యం అని తెలిపారు. మంచి భవిష్యత్తు ఉన్నదని గ్రామ ప్రజలు అభినందిస్తున్నారు.