ఆదిలాబాద్, (విజయక్రాంతి): ఆదిలాబాద్ జిల్లా వ్యాప్తంగా స్వాతంత్య్ర దినోత్సవ వేడుకలు ఘనంగా జరిగాయి. ఇందులో భాగంగానే పోలీస్ పరేడ్ మైదానంలో గురువారం చేపట్టిన వేడుకలకు ప్రభుత్వ సలహాదారుడు, మాజీ మంత్రి షబ్బీర్ అలీ ముఖ్యఅతిథిగా హాజరయ్యారు. జిల్లా కలెక్టర్ రాజర్షిషా,  ఎస్పీ గౌష్ అలం లతో కలిసి ముందుగా మహాత్మా గాంధీ, అంబేద్కర్ చిత్రపటాలకు ప్రత్యేక పూజలు చేసి, జాతీయ జెండాను ఆవిష్కరించి జాతీయ గీతాన్ని ఆలపించారు. ఈ సందర్భంగా విద్యార్థులు చేపట్టిన సంస్కృతిక ప్రదర్శనలు ఎంతగానో ఆకట్టుకున్నాయి. కార్యక్రమంలో ఎంపీ నగేష్, ఎమ్మెల్యే పాయల్ శంకర్, వేడ్మ బొజ్జు, పలువురు అధికారులు, ప్రముఖులు తదితరులు పాల్గొన్నారు