యూఎస్‌లో గల్ఫ్ ఆఫ్ మెక్సికో  పేరు మార్పు 

వాషింగ్టన్, జనవరి 28: డొనాల్డ్ ట్రంప్ గల్ఫ్ ఆఫ్ మెక్సికో పేరును గల్ఫ్ ఆఫ్ అమెరికాగా మారుస్తానని ఇప్పటికే స్పష్టం చేశారు. దానికి సంబంధించి ఆర్డర్ కూడా జారీ చేశారు. తాజాగా గూగుల్ కంపెనీ కూడా ట్రంప్ చెప్పిన విధంగానే గల్ఫ్ ఆఫ్ మెక్సికో పేరును గల్ఫ్ ఆఫ్ అమెరికాగా మార్చేసింది. అయితే అమెరికాలో మాత్రం గల్ఫ్ ఆఫ్ అమెరికాగా చూపిస్తూ.. మెక్సికోలో గల్ఫ్ ఆఫ్ మెక్సికోగానే ఉంచింది.

అమెరికా జియోగ్రఫిక్ నేమ్స్ సిస్టమ్‌లో కూడా ఈ పేరు మారింది. అందుకు తగినట్లుగా తాము కూడా పేరును మార్చామని గూగుల్ ఎక్స్‌లో స్పష్టం చేసింది. ఈ రెండు దేశాలు కాకుండా బయటి దేశాల్లోని వ్యక్తులకు రెండు పేర్లు కనిపించనున్నాయి.

ట్రంప్ వైఖరిని మెక్సికన్ దేశం తొలి నుంచి వ్యతిరేఖిస్తూనే ఉంది. పేరు మార్పు సరికాదని ఆ దేశాధ్యక్షురాలు క్లాడియా చెబుతున్నారు. గతంలోనే గల్ఫ్ ఆఫ మెక్సికో అనే పేరును వాడినట్లు ఆధారాలు చూపిస్తున్నారు. ఎవరెన్ని అనుకున్నా కానీ ట్రంప్ మాత్రం తనకు నచ్చిందే చేసుకుంటూ వెళ్తున్నారు.