జాతీయ స్థాయి పోటీల‌కు ఎంపిక‌ 

మెద‌క్‌ (విజ‌య‌క్రాంతి): రామగుండం పెద్దపల్లిలో (స్కూల్ గేమ్ ఫెడరేషన్ ఆఫ్ తెలంగాణ) ఆధ్వర్యంలో నిర్వహించిన 68వ రాష్ట్రస్థాయి కరాటే గేమ్స్ లో మెదక్ చెందిన ఎస్.కె అబ్దుల్లా  గోల్డ్ మెడల్ సాధించాడు. హెవీ వెయిట్ కేటగిరిలో అబ్దుల్లా గోల్డ్ మెడల్ సాధించి వచ్చేనెల ఢిల్లీలో జరిగే జాతీయ స్థాయి ఎస్జిఎఫ్ క్రీడలలో తెలంగాణ రాష్ట్రం తరఫునుంచి  పాల్గొనుటకు స్థానం దక్కించుకున్నాడు. అబ్దుల్లా గత  9 సంవత్సరాలుగా  స్థానిక గుల్షన్ క్లబ్ లో సీనియర్ కరాటే మాస్టర్ నగేష్ వద్ద శిక్షణ పొందుతున్నాడు.  అబ్దుల్లా గత సంవత్సరం ఎస్జీఎఫ్ లో రాష్ట్రస్థాయిలో రెండవ స్థానం సాధించాడు. తల్లిదండ్రుల ప్రోత్సాహంతో  మాస్టర్ నగేష్ వద్ద శిక్షణ తీసుకుంటూ పట్టు వదలకుండా ఈసారి జాతీయస్థాయిలో పాల్గొనుటకు స్థానం సాధించాడు. అబ్దుల్లా  జాతీయ స్థాయి క్రీడలకు ఎంపికైనందుకు పలువురు క్రీడాకారులు ప్రశంసించారు.